Berriak

Sagastialde auzoko plazaren berrurbanizazio lanak hasi dira

Lanen iraupena bi hilabetekoa izatea aurreikusten da 2019·03·20

Sagastialde auzoko plazaren berrurbanizazio lanak hasi dira

Aste honetan hasi dira Sagastialdeko plaza berritzeko lanak. Irisgarritasuna hobetzeaz gain, ingurunea txukuntzea da asmoa plaza hori bizilagunentzako aisialdi gune atsegina izan dadin.

Kulturarteko Plaza Feministaren eraikina birgaitzeko proiektuaren exekuzioa lizitaziora aterako du berriz Udalak

Birgaitzeak energia eraginkortasunaren inguruko Europako zuzentarauaren irizpideak beteko ditu, hau da, “ia ezer kontsumitzen ez duen eraikina” izango da 2019·03·15

Kulturarteko Plaza Feministaren eraikina birgaitzeko proiektuaren exekuzioa lizitaziora aterako du berriz Udalak

Iazko abuztuan atera zuen lehen aldiz lizitaziora, baina lehiaketa hutsik gelditu zen. Proiektuan moldaketak egin ondoren, berriz aterako da. Nabarmentzekoa da eraikinaren birgaitze proiektuak dituen berezitasunak, Europako zuzentarauak energia eraginkortasunaren inguruan ezartzen dituen irizpideak bete behar dituelako, hau da, “ia ezer kontsumitzen ez duen eraikina” izan behar du (Near Zero Energy Buildings-NZEBs).

Hernaniko bio-hondakinen purutasun maila %99,48koa da

Otsailaren 21ean Hernanitik San Markoko zabortegira joaten diren kamioetatik 263 kilogramoko lagina aztertu dute 2019·03·14

Hernaniko bio-hondakinen purutasun maila %99,48koa da

Hernaniko hondakin organikoen karakterizazioa egin berri du GHK-k eta purutasun maila %99,48koa duela dio txostenak. San Marko Mankomunitateak noizean behin egiten ditu mankomunitatea osatzen duten udalerrien organikoaren azterketak eta joan zen otsailaren 21ean Hernaniko biohondakinena egin zuen.

Emakumezkoak eta 30-44 urte bitarteko hernaniarrak, Baietz Hernanik! gehien mugiarazi dituen kolektiboak

Baietz Hernanik! egitasmoaren sustatzaileak baikor azaldu dira emaitzarekin, herritarrek euskararekiko duten inplikazioa eta hizkuntza-ohitura aldaketak sustatu dituelako 2019·03·13

Emakumezkoak eta 30-44 urte bitarteko hernaniarrak, Baietz Hernanik! gehien mugiarazi dituen kolektiboak

Euskararen erabilera sustatzeko urte osoko erronka planteatu zuen Euskara Ari Du herri mugimenduak eta 1.000 erronkalari lortzea zuen helburua. Eta aise lortu dute. Baietz Hernanik! egitasmoak 1.117 erronkalari bereganatu ditu, eta horietako askori euskararekiko konpromisoa berpiztu ere egin dio. Andrazkoak eta 30-44 urte bitarteko herritarrak dira ekimenean gehien parte hartu duten hernaniarrak.

Gaur arratsaldean ekingo diete Fagollagako presaren atsedenlekuan azaldu diren bidoiak erretiratzeko lanei

Hondakin arriskutsuetan aditua den enpresa bat, suhiltzaileekin elkarlanean, arduratuko da kentzeaz 2019·03·13

Gaur arratsaldean ekingo diete Fagollagako presaren atsedenlekuan azaldu diren bidoiak erretiratzeko lanei

Fagollagako presaren ondoan dagoen atsedenlekuan bi bidoi botata utzi dituzte eta barruan duten hondakinak potentzialki arriskutsuak direlakoan, segurtasun protokoloa aktibatu du Udalak. Donostiako suhiltzaileak, Ertzaintza eta udaltzainak egon dira gaur 13:00ak arte lekuan bertan baina segurtasunaz erretiratzeko baldintzarik ez daudela, hondakin arriskutsuetan aditutako enpresa baten esku utzi dute. Gaur arratsaldean espero dute egitea. Ordura arte, eremua itxita egongo da Udaltzaingoaren eta Ertzaintzaren zaintzapean.

Aiora Nikolas, Ane Sanz eta Ainhoa Oskoz, gidabaimena euskaraz ateratzeagatik sarituak

Saria atal teorikoaren matrikula eta prestakuntza gastuen ordainketa izan da 2019·03·07

Aiora Nikolas, Ane Sanz eta Ainhoa Oskoz, gidabaimena euskaraz ateratzeagatik sarituak

Gida-baimena euskaraz ateratzeak badu saria. Aiora Nikolasek, Ane Sanzek eta Ainhoa Oskozek Hernanin atera zuten gida-baimena 2018an eta atal teorikoaren matrikula eta prestakuntza gastuen ordainketa irabazi dute (400 euro). Guztira, 2018an, Hernanin, 49 pertsonek egin dute gida-baimenaren atal teorikoa euskaraz eta Hernaniko autoeskoletan 71 pertsonek, eskualdeko beste herrietako ikasleak kontutan hartuta.

Hernaniko Udalak martxoaren 8ko greba feministarekin bat egiten du

Joan zen udalbatzarrean aho batez onartu zen mugimendu feministak egindako greba deialdiarekin bat egitea 2019·03·07

Hernaniko Udalak martxoaren 8ko greba feministarekin bat egiten du

Joan den otsailaren 26an egin zen udalbatzarrean, aho batez onartu zen Mugimendu Feministak martxoaren 8rako deitu duen greba deialdiarekin bat egitea. Era berean, Udal Langileen Batzarrak ere bat egin du greba deialdiarekin eta, horren ondorioz, udal zerbitzu gehienetan gorabeherak sortuko dira; zerbitzu batzuk oso mugatuak izango dira eta beste batzuk bertan behera geldituko dira.

Gerra Zibilaren eta diktadura frankistaren lehenengo garaian Hernanin gertatutako giza eskubideen urraketak ikertzen ari da Aranzadi

Lourdes Herrasti Aranzadiko historialari eta antropologoak “Errepresioa genero ikuspuntutik” hitzaldia emango du bihar, hilak 7, 19:30ean, Biteri 2019·03·06

Gerra Zibilaren eta diktadura frankistaren lehenengo garaian Hernanin gertatutako giza eskubideen urraketak ikertzen ari da Aranzadi

Gerra Zibilean eta diktadura frankistaren lehenengo garaian (1936-1945) Hernanin gertatutako giza eskubideen urraketak ikertu eta oroimen historikoa berreskuratzeko proiektua abiatuko du Aranzadi Elkarteak, Udalaren enkarguz. Emakumeek jasandako errepresioan arreta berezia jarriko dute ikerketa lan horretan.

Hilabete honetan irekiko da Elorrabiko zubia

Zazpi urte eta gorabehera handiak tarteko, Osiñagako auzoa Ibarluze eta Lastaola industrialdeak lotzen dituen zubia zabalduko da laster oinezko eta bizikletentzat 2019·03·04

Hilabete honetan irekiko da Elorrabiko zubia

Azken ukituen faltan, Elorrabiko zubia erabiltzeko moduan egongo da datozen asteotan. Urumearen bi aldeak lotzen zituen zubi esekia uholdeek eraman zuten joan zen 2011ko azaroan. Orduz geroztik egindako bidea korapilatsua eta neketsua izan da, baina azkenean Osiñagako bizilagunek, bereziki, eta hernaniar guztiok, oro har, zubia erabiltzeko aukera izango dugu laster.

Udalak bere jabetzako 15 etxebizitza alokairu sozialean esleitzeko izen-ematea irekiko du martxoaren 4an

15tik 7 zuzkidura-etxebizitzak izango dira eta 8 babes ofizialekoak 2019·03·01

Udalak bere jabetzako 15 etxebizitza alokairu sozialean esleitzeko izen-ematea irekiko du martxoaren 4an

Hernaniarrok euskara ikasteko 80.332 euroko diru-laguntza eman du Udalak 2017-2018 ikasturtean

Euskaltegiko matrikularen %70-90 bitartean finantzatzen du Udalak 2019·02·27

Hernaniarrok euskara ikasteko 80.332 euroko diru-laguntza eman du Udalak 2017-2018 ikasturtean

2017-2018 ikasturtean 244 herritarri eman dio Udalak euskara ikasteko diru-laguntza. Guztira, 80.332 euro. Diru kopuru horretatik herriko euskaltegietan (Udal Euskaltegia eta AEK) ikasteko 71.181 euro eman ditu eta 9.150 euro, herritik kanpoko euskaltegietan. Euskaltegiko matrikularen %70-90 bitartean finantzatzen du Udalak.

Fagollagako zentral minihidraulikoa bertatik bertara ezagutzeko aukera izango dute hernaniarrek

Martxoaren 10ean egingo dira bi bisita, eta interesa duenak aurretik izena eman behar du 2019·02·22

Fagollagako zentral minihidraulikoa bertatik bertara ezagutzeko aukera izango dute hernaniarrek

Hernaniko Udalak eta Goiener Taldeak, Ihoberen babesaz, Fagollagako zentral minihidraulikora bisita antolatu dute datorren martxoaren 10erako. Bisitaren helburua da zentralaren funtzionamendua lekuan bertan azaltzea. Bide batez, eta adibide hori baliatuta, energia berriztagarriaz hitz egingo dute bertan. Bisita egiteko interesa duenak aurretik izena eman behar du.

Hernaniarren artean erremontearekiko afizioa zabaltzeko helburuz lankidetza hitzarmena sinatu du Udalak

Sarreraren %50 eta %60 bitarteko murrizketaz onuratu ahalko dute hernaniarrek Galarretako partidetan 2019·02·20

Hernaniarren artean erremontearekiko afizioa zabaltzeko helburuz lankidetza hitzarmena sinatu du Udalak

Hernaniko Udalak, erremontea herrian sustatzeko helburuz, lankidetza-hitzarmena sinatu du gaur Oriamendi 2010 enpresarekin. “Hernaniko kultur ondare berezia da erremontea eta guri, hernaniarroi, dagokigu kontserbatzea eta zabaltzea”, esan du Luis Intxauspe alkateak. Endika Barrenetxea erremontista profesional hernaniarrak ere parte hartu du ekitaldian. Erremontearekiko afizioa sustatu nahian, hernaniarrek Galarretako frontoiko partidak ikusi ahalko dituzte sarrera merkeagoekin.

Plax! Sexu eta bikote aholkularitza zerbitzua finkatu da hernaniarren artean eta gero eta erabiltzaile gehiago ditu

30 eta 50 urte bitartekoei bereziki zuzendutako zerbitzua da eta 2015ean martxan jarri zenetik 200tik gora erabiltzaile izan ditu 2019·02·15

Plax! Sexu eta bikote aholkularitza zerbitzua finkatu da hernaniarren artean eta gero eta erabiltzaile gehiago ditu

2015eko urtarrilean jarri zuen martxan Hernaniko Udaleko Berdintasun Sailak Plax! Sexu eta bikote aholkularitza zerbitzua. Arremanitz kooperatibaren bidez eskaintzen du Udalak zerbitzu hori. 30 eta 50 urte bitarteko pertsonei bereziki zuzendutako zerbitzua da eta 2015ean martxan jarri zenetik 200tik gora erabiltzaile izan ditu. Hiru urte hauetan egindako ibilbidea oso positiboa izan da. Hernaniarrek estimatzen duten zerbitzua da eta gero eta erabilera handiagoa du. Itxaron zerrenda dagoela ikusita, zerbitzua bi egunetik hirura zabaltzea erabaki du Udalak.

Hilerriko errolda eguneratzeko prozesua martxoaren 31ean emango da bukatutzat 2019·02·11

HILERRIKO ERROLDAREN EGUNERAKETA

Kirats episodio ugari antzeman dituzte baina baimendutako toxizitate maila ez dutela gainditzen ondorioztatu du aire kalitatearen azterketak

Hernaniko aire kalitateari buruz Kataluniako Unibertsitate Politeknikoak egindako ikerketa lanaren emaitzak aurkeztu berri ditu Udalak 2019·02·07

Kirats episodio ugari antzeman dituzte baina baimendutako toxizitate maila ez dutela gainditzen ondorioztatu du aire kalitatearen azterketak

Hernaniko aire kalitateari buruz Kataluniako Unibertsitate Politeknikoak egindako ikerketa lanaren emaitzak aurkeztu berri ditu Udalak. Isurketen neurketa zorrotzak egin dituzte urte eta erdiz eta horien ondorioak plazaratu dituzte. Kirats episodio ugari (denbora tarte laburrean) antzeman dituzte eta kasu batzuetan -Portu eta Zikuñagan, bereziki- kalitatearen irizpideak aise gainditzen dituzte. Hala ere, 24 ordukoen neurketen emaitzen arabera, toxizitate muga ez dute gainditzen.

Etxebizitzaren alokairua ordaintzeko diru-laguntza eskaera inoizko handiena izan da

Ohiko etxebizitzaren alokairua ordaintzen laguntzeko 164.000 euroko partida bideratuko du Udalak 2019an 2019·01·31

Etxebizitzaren alokairua ordaintzeko diru-laguntza eskaera inoizko handiena izan da

Udalak ohiko etxebizitzaren alokairua ordaintzen laguntzeko diru-laguntzen laugarren deialdia egin du eta 193 pertsonak egin dute eskaera, iaz baino 61 pertsona gehiagok. 2019an 164.000 euroko partida bideratuko du Udalak alokairua diruz laguntzeko; 82.000 euro gazteentzat eta beste hainbeste 36 urtetik gorakoentzat.

Hernaniko historia hurbileko sufrimendu guztiak jasotzen dituen txostena aurkeztu dute Udalak eta Aranzadik

Hernanin 1960-2018 bitartean motibo politikoz urratu diren giza eskubideak eta beste sufrimendu batzuk ikertu eta dokumentatu ditu Aranzadi Elkarteak 2019·01·23

Hernaniko historia hurbileko sufrimendu guztiak jasotzen dituen txostena aurkeztu dute Udalak eta Aranzadik

Hernanin 1960-2018 bitartean motibo politikoz urratu diren giza eskubideak eta beste sufrimendu batzuk ikertu eta dokumentatu ditu Aranzadi Elkarteak. 662 eskubide urraketa eta 416 biktima jasotzen ditu txostenak. Udaleko alderdi guztiek “errespetua, dolumina eta babesa” agertu diete biktima guztiei eta erreparazio ekintzak adostea etorkizuneko erronka dela gogorarazi du Luis Intxauspe alkateak.