Web edukia bistaratu

 

Herriko auzoak

512x180

Antziola

Antziola bizitegi-auzoa da gehien bat. Hernaniko irteeran dago, Donostiara bidean, Galarreta baino lehenago.

mapa

512x180

Elizatxo

Auzo hau Leoka garbitegian hasten da eta Portu auzoan bukatu, trenbidearen azpitik pasatzen den tunelean. Hemen dago Elizatxo ikastola. 500 auzotar inguru dira.

mapa

Epele. Argazkia: Mariano López

Epela

Hernanitik 4 km-ra dago, Goizuetarako bidean; Ereñozura heldu baino 2,5 km lehenago. Ereñozu baino auzo txikiagoa da, 125 auzotar inguru ditu. Auzo horretan dago kokatua Hernaniko industria kimikoa, nahiz auzoak baserri kutsari eusten dion.

mapa

512x180

Ereñotzu

2007ko urtarrilaren 1eko erroldaren arabera, auzoak 403 biztanle ditu. Hernaniko herritik 6 km-ra dago, Goizuetarako bidean. 400 inguru pertsona bizi dira. Ereñotzuk herri txiki baten itxura du. XIX. mendean sortu zen, Urumea ibaiaren ondoan, Ereñotzu baserriaren eta ermita baten inguruan. Auzo honetako da Txirrita bertsolaria.

mapa

512x180

Etxeberri

70eko hamarkadan eraikitako etxebizitzaz osatua dago. Florida auzoaren alboan kokatua dago eta 800 auzokide inguru ditu.

mapa

512x180

Florida

Hernaniko auzo handienetakoa da. Alde Zaharra jarraituta, Urumea ibaiaren ezkerraldean kokatua dago, trenbidearen aldamenean. XIX. mendean, tren-geltokiarekin batera sortu zen auzoa. 50eko eta 80ko hamarkaden artean asko hazi zen eta poliki-poliki Hernaniko Alde Zaharrarekin bat egitera iritsi zen. Gaur egun, industriagune eta bizileku da. 1.000 biztanle inguru ditu.

mapa

512x180

Galarreta

Galarreta auzoan dago izen bera daraman pilotalekua.

mapa

512x180

Jauregi

Hernaniren ipar-ekialdean kokatua dago, Donostiarekin mugakide. Hernaniko gainerako urek ez bezala, Jauregiko urak ez dira Urumea ibaira isurtzen; zuzenean itsasoratzen dira. Chillida-Leku museoa dagoen Zabalaga baserria auzo honetan dago. 160 biztanle inguru ditu.

mapa

Karabel. Argazkia: Marisol Yaben

Karabel

Auzo hau Hernaniko sarreran dago. Astigarragatik datorren sarreratik sartuta, trenbidearen gainetik pasatzen det zubiaren ezkerraldean. Bertan dauka trenak geltokia.

mapa

512x180

Karobieta

Elkano kalearen eta Marieluts auzoaren artean kokatua dago. Bere gune nagusiak Atxegindegi plaza estalia eta Langile Ikastola dira.

512x180

Latsunbe

Alde Zaharraren eta Sorgintxulo auzoaren artean kokatuta dago. Aintzina, baserriak eta ubide bat (gaur egun kanalizatua eta lurperatua) zeuden bertan, baita ikuztegia ere. XX. mendean eraiki ziren etxeek "Txaleten auzoa" izena eman zioten, baina 80ko hamarkadan bertako toponimia berreskuratu zen. Berriki eraiki diren etxebizitzek auzo berria sortu dute (Latsunbe Berri). Bertako auzotar ezagunena Gabriel Celaya poeta da, gaur egun Ertzaintza dagoen lekuan zegoen baserri batean jaioa.

512x180

Lizeaga

Auzune hau udaletxearen atzealdean dago. Langileentzako auzo bezala sortua, hor daude besteak beste zaharren egoitza eta Gaymur ikastola. Ansorenatar txistulari familiaren jaiotetxea ere hemen dago.

512x180

Martindegi

Hernaniren ipar-ekialdean dago, Astigarragarekin mugan. Inguru horietan sagardotegi bat baino gehiago dago. 2007ko urtarrilaren 1eko erroldaren arabera, auzoak 142 biztanle ditu.

512x180

Osinaga

Sakanabatutako baserriz osatutako auzoa. 2007ko urtarrilaren 1eko erroldaren arabera, auzoak 211 biztanle ditu. Hernaniko sagardotegi asko hemen daude.

512x180

Pagoaga

Sakanabatutako baserriz osatutako auzoa. 2007ko urtarrilaren 1eko erroldaren arabera, auzoak 61 biztanle ditu.

Portu auzoa. Argazkia: Cova Almendros

Portu

Garai batean Hernaniko baso eta burdinoletatik egurra, ikatza eta burdina ateraten zen, eta Donostiara eramateko era bakarra, egungo Portu auzotik igarotzen ziren gabarrak ziren. Elizatxo eta Osinaga auzoen artean dago.

Sagastia baserria. Argazkia: Xabier Arnaiz

Sagastalde / Sagastialdeberri

Zinkoeneatik Galarretara bidean bukaeran eskubi aldera dagoen auzunea da. Atletismo pistaren inguruan. Baserri zahar gutxi batzuk daude, gehienak etxebizitza berriak dira.

Sagastialde auzoaren zabalgunea da, atletismo pistaren bestaldean eraikitako etxe berriek osatzen dute.

Santa Barbara. Argazkia: Puri Holgado

Santa Barbara

Santa Barbara mendiaren magalean dauden etxe bakarti eta baserri sakabanatuz osatua. Auzo honetan daude Santa Barbara gotorlekua eta baseliza. Urnieta-Donostia bideak bereizten du Hernaniko gainerako auzoetatik 2007ko urtarrilaren 1eko erroldaren arabera, auzoak 812 biztanle ditu.

512x180

Sorgintxulo

2007ko urtarrilaren 1eko erroldaren arabera, auzoak 247 biztanle ditu.

512x180

Zikuñaga

Hernaniko patroia zen izen bereko amabirgina zuen ermita zegoen bertan. Amabirginaren irudia 70eko hamarkadan ostu zuten. Auzoa 60ko hamarkadan handitu zen, industrializazio garaiko etorkin-langileekin. Auzoa izen bereko paper-fabrikaren itzalpean dago. 2007ko urtarrilaren 1eko erroldaren arabera, auzoak 742 biztanle ditu.