Noticias

MEET EUROPAKO JARDUNALDIAK: Berdintasunean eta justizia sozialean murgilduta

Meet Europako jardunaldien lehen atalean (on line) justizia soziala lortzera bidean Hernanin egiten diren politika publikoen aurkezpen teorikoa egin zen. Datorren asteko aurrez aurreko saioetan azalduko da politika horiek proiektu zehatzetan nola islatu diren. Meet proiektuan Hernaniko kide diren Portugalgo, Frantziako, Italiako eta Poloniako udalerrietako ordezkaritza etorriko da Hernanira hemen gauzatzen ari diren proiektuak bertatik bertara ezagutzera.

10·03·2023


Exploring equality and justice (Berdintasuna eta justizia aztertzen)

Hemen duzue on line jardunaldien laburpena (English)

1. EGUNA

Hemen hasten da komunitate honen esperientziaren esplorazio-bidaia. Bidaia horretako bigarren zatia martxoaren 15-16-17an izango da. Hernaniko Udalak antolatutako lehen jardunaldia Xabier Lertxundi Asteasuinzarra alkatearen ongietorri beroarekin hasi zen. Haren esku-hartze laburrak ondo erakutsi zuen komunitate txiki horrek duen berrikuntzarako nahia eta ideiak praktika eraginkor eta esperimentu ausart bihurtzeko gaitasuna, tokiko erakundeen laguntzarekin.

Mireia Espiau Idoyagaren hitzartzeak ireki zuen lehen eguneko jarduna. EAEn genero-berdintasunaren inguruan dauden politiken egitura azaldu zuen. Haren iritziz, Europako beste leku askotan bezala, berdintasunari dagokionez, tokiko kulturak izan duen bilakaeraren bidea markatu daiteke, eta arau- eta kultura-esparruan lan progresiboa egin, gizarte-eredu bidezkoago eta berdintasunezkoago baten alde.

Jakina, arazo konplexua da, eta, askotan, gainditzen zailak diren kultura-oztopoak aurkitzen ditu   bidean. Horregatik, gizartearen sektore guztien konpromiso eta arreta handia eskatzen du errealitate eraginkor bihurtzeko.

Bileran parte hartu zutenekin egindako alderaketak eta hitzartzearen ondoren sortutako galderek argi utzi zuten MEET egitasmoaren parte diren herrialdeen arteko desberdintasunak oso handiak direla. Alde handiak daude maiz legeriaren eta horren aplikazioaren artean. Izan ere, argi dago legeria on bat egoteak ez duela beti bermatzen horren aplikazio eraginkor bat dagoenik.

Lehen eguneko bigarren diskurtsoa kulturartekotasunari buruzkoa izan zen. Gai hori oso gori dago Europan, egungo testuinguruan migrazioei, gerrei eta nazionalismo berriei aurre egiten ari den kontinentea izanik. Non aurkitu oreka egokia identitateen errespetuaren, onarpenaren eta kohesioaren artean?

Jeanne Rolande Dacougna Minkettek Euskal Herrian gai honetan dagoen egoera erakutsi zuen. Kulturartekotasunaren inguruan dauden arazoak ez dira aurreko hitzartzean azaldutakotik oso desberdinak. Izan ere, gai horretan ere erreferentzia-egiturak eta jarraibide orokorrak sor daitezke, baina eguneroko jardunaren mende dago politika horiek errealak eta eraginkorrak izatea.

Hala ere, bi gai giltzarri horietan erreferentzia-markoei buruzko ideia argiak izatea oso baliagarria izan zen Hernani Burujabe proiektuaren eraikuntzan Hernanin egindako lana balioesteko.

2. EGUNA

Mikel Valero Alzagaren hitzartzeari esker, ezagutzen hasi ginen Udala, herritarrak, enpresak eta herri mugimenduak hainbat ekintza-ildo egiten ari direla, inklusiora, autodeterminaziora eta jasangarritasunera bideratutako lurralde-eraldaketa lortzeko. Mikel Valerok aipatu zituen, besteak beste, auzoetako ekintzak, elikadura eta energia subiranotasuna edota tokiko moneta.

Aurkezpen honetan ikus dezakezuenez, esku hartzeko arloak asko dira eta etengabe garatzen ari dira, eta laster izango diren aurrez aurreko jardunaldietan esperientzia horiek lehen eskutik ezagutzeko irrikan gaude.

Jardunaldi birtual horretan, bazkideen artean ideiak eta esperientziak trukatu ahal izan ziren, tokiko egoerak konparatzeko. Halaber, ikus daiteke orain arte sortu diren arazo komun batzuei aurre egiteko MEET proiektuak kideen eskura jartzen dituen tresnak eta metodologiak baliagarriak izan daitezkeela.

Zehazki, proiektuaren seigarren bilera horren ingurukoa izango da, hain zuzen ere, bertan proposatuko dira inklusioa, parte hartzea, ahalduntzea eta eztabaida sustatzeko metodologia demokratiko aurreratuak. Tresna edo egiteko modu horiek, nolabait, erraztu lezakete kulturen eta beharren topaketa hori erraztea eta eraginkorragoa izatea, horiek kudeatzea zaila eta batzutan ezinezkoa dirudien garai honetan.

Baina pausoz pauso joango gara, hurrengo hitzordua laster izango da Hernanin, gurekin bat egin nahi baduzu hemen duzu erregistratzeko esteka.

! ! ! HERNANI 15|16|17 MARCH - SUBSCRIBE HERE ! ! !

 

Mireia Espiau Idoyagaren hitzartzea (2023/03/01)

Mikel Valero Alzagaren hitzartzea (2023/03/02)