2025·01·08
Dardarak artxiboan erakusketak emango dio hasiera Kulturarteko Plaza Feministako 2025eko egitarauari. Katalina Belauntzakoaren eta Maritxu Oiartzungoaren kasua azaltzen du erakusketak; 500 urtez isildutako genero eta sexu disidientzien inguruko ibilbidea ezagutzeko aukera izango dugu.
Joana Aurrekoetxeak, Karmele Mitxelenak eta Irene Iruretak aurkeztuko dute lana hilaren 15ean (18:00). Hain justu ere, 1503ko dokumentu judizial batetik abiatuta, album ilustratua eta erakusketa ondu dute hiruren artean.
Dokumentala eta Venezuelari buruzko solasaldia
Hilaren 24an (18:00) No estás sola: la lucha contra La Manada dokumentalaren proiekzioa izango da eta ondoren, solasaldia.
Hilaren 30ean (18:30), Glenna Cabello Venezuelako Bilboko kontsula izango da Kulturarteko Plaza Feministan, Venezuelari buruzko hitzaldia emateko.
Jabetze Eskolan eta, haurdunaldi eta erditzeondoko tailerretan izen-emateak
Izen-emateen hilabetea ere izango da hau Kulturarteko Plaza Feministan: hilaren 13tik 24ra Emakumeentzako Jabetze Eskolako udaberriko ikastaroetan izena emateko epea izango da.
Egun berean hasi eta hilaren 31 arte, bestetik, haurdunaldia eta erditzeondoa bizi eta partekatzeko tailerrean izen-ematea izango da.