2025·07·03
60 urtetik gorako herritarrentzako memoria tailerrak antolatzen ditu Hernaniko Udalak. Datorren ikasturtean tailer hauetan parte hartzeko izen-ematea uztailaren 7tik 24ra egongo da irekita.
Izena emateko udaletxeko Adinekoen sailera jo behar da (Biteri Kultur Etxean edo 943 57 54 31 telefonora deituta).
Erdiguneko eta auzo hauetako tailerretarako dago izena emateko aukera: Antziola, Biteri kultur etxea, Elizatxo, Etxeberri, Goiz Eguzki, Karabel, Lizeaga, Sorgintxulo eta Zelabide. Hain zuzen ere, Zelabide auzoan lehenengoz eskainiko da tailerra.
Euskarazko talde berria datorren ikasturtean
Euskarazko talde berria eskainiko da datorren ikasturtean: Biteri Kultur Etxean, goizetan. Guztira, euskarazko hiru talde izango dira, beste biak Lizeaga auzoan eta Goiz-Eguzkin.