Akarregi bailarako saneamendua hobetzeko lanak egiten ari da Udala. Akarregi bailarako 24, 25, 26 eta 27 zenbakietako eraikinetako ur-beltzak Ibaiondo industrialdeko saneamendu-sarera bideratuko dituzte lan hauek. 

Horretarako, gaur egungo kutxatilaren ondoan ponpatze-estazio bat eraikiko da. Honela, kutxatila hori Urumea ibaira soilik euri-urak bideratzeko izango da. 

Lan hauek maiatzeko lehenengo astean hasi ziren eta bi hilabeteko iraupena aurreikusten da. Hori dela eta, Karabelgo zubi parean bidegorri zati bat itxita dago. 

Udalak 140.701,63 € inbertitu ditu hobekuntza lan hauetan.