2024·09·19
Hernaniko Udalean ordezkaritza duten alderdi politiko guztiek ahobatez gaitzesten ditugu pasa den asteburuan herriko hainbat puntutan agertu diren lelo arrazista eta xenofoboak. Pertsona migratuen kontrako mezuek eta hauek elikatzen dituzten marko diskurtsiboek gure herrian tokirik ez dutela adierazi nahi dugu. Horrekin batera, Hernani harrera herria izan dadin lanean jarraitzeko gure konpromisoa berretsi nahi dugu, kulturartekotasunean eta bizikidetzan oinarritutako komunitatea osatuz.
Hernaniko EH Bildu, EAJ-PNV, PSE eta Elkarrekin Podemos-Orain Hernani udal taldeek sinatuta
Hernanin, 2024ko irailaren 19an