Hasia da 2022ko errenta eta ondarea aitortzeko garaia eta, ohi bezala, Hernaniko Udalak, aurten UEMArekin batera, errenta aitorpena euskaraz egiteko kanpaina abiarazi du, herritarrek administrazioarekin dituzten harremanak euskaraz izan daitezen bultzatu nahian.
2023·04·03
Hernanin herritarren %23,20k egin zuten errenta aitorpena euskaraz 2022an. Kopuru hori gainditzea da asmoa. Erraza da errenta aitorpena euskaraz egitea:
• Autolikidazio-proposamena jasotzen baduzu, jasotako proposamena onartzerakoan, euskaraz egin nahi duzula esan. Aurrerantzean ogasunak agiriak euskaraz bidaliko dizkizu.
• Mekanizatua eginez gero, adierazi ogasunarekin harremanak euskaraz izan nahi dituzula.
• Internet bidez egiten baduzu, euskarazko bertsioa jaitsi internetetik eta hobetsitako hizkuntza atalean euskara aukeratu.
• Aholkularitza edo beste moduren batean egiten baduzu, euskaraz egiteko eska dezakezu.
Denon artean, Hernani euskaldunago egingo dugu.