Berriak
Atzealdea
Herriko dendetan erosteak badu saririk
Aurreko edizioetan bezala, bi larunbat horietan udaletxeko arkupeetan Erruletara jokatu eta Hernanin plataforma digitaleko komertzioen produktuak eskuratzeko aukera edukiko dute herritarrek. Horretarako, Erruletako aste bakoitzari dagozkion erosketa-txartelak aurkeztu beharko dituzte. Erosketa-tiketak batu ahal izango dira, jokatzeko beharrezkoa den 80 €-ko gutxieneko gastua osatu arte. Pertsona bakoitzak behin jolastu ahal izango du.
2022·11·15
11:00etatik hasita eta 13:00ak arte, edo izakinak agortu arte, opari horiek lortu ahal izango dituzte herriko komertzioetan erosketak egiten dituztenek.
Egitasmoaren helburua, besteak beste, Hernanin topa daitekeen merkataritza aukera zabala erakustea da.
Esan bezala, opari guztiak www.hernanin.eus atarian dauden saltokietan erositakoak dira. Erakusleiho digital horrek izan duen erabilerari buruzko datuak aditzera eman ditu Udalak eta 2021 urtean 50.000 bisita baino gehiago jaso ditu webguneak. 150 komertziotik gora toapa ditzakegu bertan eta horiek eskaintzen dituzten produktuak kontsultatu edota erreserbatzeko aukera ematen du plataformak.
