Izen-ematea zabalik dago, tokiak bete arte
2025·07·22
Piragua eta eskalada bateratuko dituen Abentura Astea eskainiko du Udaleko Gazteria sailak iraileko lehenengo astean. Bi kirolak tartekatuko dituen ikastaroaz gain, piragua irteera ere izango da.
Ekintzak doakoak izango dira. Izena emateko aukera gaur bertan zabaldu da eta plazak bete arte irekita egongo da.
Irailaren 1etik 6ra, ikastaroak eta irteera
Irailaren 1etik 6ra izango da Abentura Astea. Hilaren 1ean eta 2an, eskalada saioak izango dira. 3 eta 5 artean, berriz, piragua ikastaroa. Ordu eta erdiko saioa izango da bakoitza (16:00-17:30) eta Kaxkardi Kirol Elkarteak dinamizatuko ditu.
Irailaren 6an, piragua irteera egingo da. Goiz osoko ekintza izango da hau.