Haur zein heldu, gitarra jotzen ikasteko aukera izango dute ikasturte honetan ere Kantuz musika eskolan. Haurren kasuan, gutxienez bederatzi urte beharko dira izena emateko.

Izen-ematea datorren astelehenean, irailak 7, irekiko da. Hilaren 18a izango da horretarako azken eguna. Izena emateko bi aukera izango dira: online edo udaletxeko Herritarren Harrera Zerbitzuan.

Matrikularen prezioa 271,35 € izango da. Familiaren diru-sarreren arabera, murrizketak egongo dira.

Saioak astean behin izango dira, ordubetekoak, urritik ekainera (arratsaldez), Aristizabal kaleko 5. zenbakian. Lehentasuna aurreko ikasturteko ikasleek izango dute.

INFORMAZIO GEHIAGO: 943 33 70 41.