Agenda

Hitzaldia. Pornografia gaur egungo sexu-heziketa ote?

Nerabeen gurasoei eskainitako doako hitzaldia Eider Goiburu adituak eskainia. 17:30etan Biteri kultur etxean.
01 OTS

Helburuak  

Pornografiak nerabeen sexualitatean izan dezakeen eragina aztertu eta familiek nerabeen sexu-heziketan duten funtzioa indartzea.

  • Gaur egungo eredu pornografikoa aztertzea.
  • Nerabeen artean gailentzen den eredu pornografikoak iruditegian duen eragina azalaraztea, ikuspegi hezkidetzaile batetik.
  • Nerabeen hezkuntza-prozesuan sexualitate aske eta osasuntsu baterako gakoak eskaintzea.
  • Gurasoak sexualitate-eremuko heziketa-lanetan ahalduntzea.
  • Familiek dituzten bizipen, kezka, galdera, eta abarrak beste familiekin partekatzeko espazio bat sortzea.

Landuko diren edukiak eta gaitasunak 

  • Gailentzen den pornografia-eredua eta ezaugarriak.
  • Pornografia eta nerabeen iruditegia.
  • Familien funtzioa sexu-heziketan.
  • Sexu-heziketa hezkidetzaile baterako gakoak.

Metodologia 

Eduki teorikoak landuko ditugu betiere parte-hartzaileei galdera, kezka, hausnarketa eta ekarpenetarako espazioa eskainiz. Aldi berean, taldean hausnartzeko ariketak proposatuko dira familiek beren bizipen, ardura eta baliabideak partekatzeko aukera izan dezaten.

Hizlariari buruz-EIDER GOIBURU

Psikologian lizentziatua, sexu-hezitzailea, emakume eta gizonen arteko berdintasun teknikaria eta pedagogian doktoratua. Bere ibilbide profesionala sexualitatearen lanketarekin hasi zen orain dela 20 urte eta bide horrek hezkidetza lantzera, indarkeria matxistaren prebentzioa garatzera eta emakumeen ahalduntze prozesuak laguntzera eraman du.

AFORO MUGATUA. 

IZEN EMATEKO LOTURA: https://labur.eus/trebagurasoak23