Abuztuaren 3tik 5era, Kaxkoko saneamendu sarearen garbiketa egingo da. Urtero egiten den mantenu lana da. Lan hauek trafikoan eragingo dute, kale-mozketak izango baitira lanak egin ahal izateko. 

Egun bakoitzean kale bateko saneamendua egingo da. Abuztuaren 3an, Kale Nagusiko sarea garbituko da. Gudarien plazatik hasiko da garbiketa 08:30ean eta Kale Nagusia itxiko da. 

Abuztuaren 4an, Andre kalearen txanda izango da. Kasu honetan ere, garbiketa lanak Gudarien Plaza aldetik hasiko dira (08:30ean). Gudarien plaza zamalanetarako irekita egongo da.

Abuztuaren 5ean, azkenik, Atzieta kaleko sarea garbituko da, musika eskolatik hasita eta kalea itxita egongo da.