2026·04·30
Lore eta Landareen Azoka Bereziaren hamabigarren edizioa datorren maiatzaren 16an, larunbata, izango da Hernanin (Urbieta kalean, 10:00etatik 14:30era). Dekolorek, Behemendik eta Udalak elkarlanean antolatzen duten azokak "zuzeneko salmenta" sustatzea du helburu, ekoizleei euren lana erakusteko eta saltzeko gune bat eskainiz.
Lore eta landareak, kosmetika eta medikuntza-naturaleko produktuak, sendabelarrak eta artisautzako produktuak eskainiko dituzten hamahiru postu izango dira aurtengo Lore eta Landare Azoka Berezian: Arizkungo Tienduka (kosmetika naturala); Flores Ganchillo (bitxigintza); Hazi ekologikoak (sukaldaritzarako hazi eta belarrak); Islaya (kaktusak eta landare krasak); Lore Prentsatua (lore lehorrekin egindako koadroak); Mintaka (kaktusak eta landare krasak); Ortuberri (baratze eta lore-landareak); Sara Letamendia (kosmetika naturala); Sojo Natura (kosmetika naturala); Tissus artisautza (lore lehorrak); Urtinea loreak (barruko, apaintzeko eta sasoiko landareak); Viveros el Montañes (landareak) eta Zunoyar lorategia (barruko, bildumarako eta apaintzeko landareak).
Honez gain, azokako eremuan haurrentzako tailerrak izango dira, baita txikienentzako zurezko jolasak ere.