2026·03·13
Sanjoanak girotzen hasteko lehen urratsa, herriko festak iragarriko dituen kartel lehiaketa izan ohi da. Apirilaren 13a izango da lanak aurkezteko azken eguna: aurrez aurre, Biteri kultur etxean edo elektronikoki, kultura@hernani.eus-era bidalita.
Kartel lehiaketan oinarriak betetzen dituen edonork hartu dezake parte. Aurkeztuko diren lan guztietan SANJOANAK 2026 goiburuak agertu beharko du eta neurri hauetakoak izango da kartela: 32x48 cm. Formatu digitalean aurkezten diren lanek gutxienez 300 pp-ko erresoluzioa izan behar dute eta CMYK koloreak.
Hizkuntza eta irudien erabilera ez-sexista duten kartelak soilik onartuko dira. Ez dira onartuko adimen artifizialarekin edo elkarrizketa laguntzaileekin sortutako lanik. Egiletzaren adierazpen arduratsua aurkeztu beharko dute parte-hartzaileek.
700 €ko saria jasoko du irabazleak: erdia eskudirutan eta beste erdia, Berriak-eko establezimenduetan erabiltzeko txartel gisa.
Ohi bezala, azken erabakia herritarrek hartuko dute. Sanjoanetako jai batzordeak aurkeztutako lanen artean lau aukeratuko ditu eta horien artean gustukoena bozkatzeko aukera izango dute hernaniarrek.