Sanjoan jaien egitarauaren baitan, ekainaren 25ean eta 26an, sokamuturra izango da goizeko 07:30etik 09:00etara. Ibilbidea ondorengoa izango da: Gudarien plaza, Andre kalea, Felipe Sagarna Zapa eta Kale Nagusia.

Arretaz jokatzeko neurriak hartzeko eskatu nahi diegu Kaxkoko bizilagun eta establezimenduei: atariak barrutik giltzatzea kalteak saihesteko eta kalera ez ateratzea ekitaldiak irauten duen bitartean. 

Era berean, jakinarazten dugu 16 urtetik beherakoek ezin dutela parte hartu sokamuturran, hala agintzen baitu Zezen Ikuskizun Tradizionalak arautzen dituen azaroaren 11ko 183/2008 dekretuak.