Berdintasun Plana

Hiri debekatuaren mapa

Genero ikuspegia hirigintza arloan txertatuz, 2007 urtean ikastetxeetan egindako hainbat tailerren bidez eta emakumeek parte hartu zuten beste batzuen bidez, herri mailan hirigintza arloan aldatu nahi zituzten hainbat puntu identifikatu ziren. Horietako batzuk markatzeko eta kalean ere identifikatzeko “jendetze lanak” sinboloa asmatu zen eta herriko hainbat leku sinbolo honen bidez markatu ziren. Azkenik, Udal Hirigintza Arloarekin epe motz eta ertainean hainbat aldaketa egitea adostu zen. Aldaketa hauek herrian banatu zen diptiko batean jaso ziren. Ikus dezagun adostutako aldaketa horiek egin ote diren....

Jarduera fisikoa eta kirola

Kirol arloa genero ikuspegitik begiratuta

2007. urtean Hernanin Kirol arloan emakume eta gizonen egoera zein zen jakiteko ikerketa bat egin zen Udal Berdintasun Arloa eta Kirol Patronatuaren artean. Ikerketa horretan hainbat aspektutan hobetu zitekeela ikusi zenez, ondoren egoera hobetzeko plana egin eta onartu zen.

Berdintasunezko jolasa.

Hezkidetza eta espazioaren gaineko ikerketa eta baliabide gida. 2003 urtean ikastetxe guztietan hezkidetza programa bat jarri zen martxan. Bertan ikasleekin eskola orduetan hezkidetza lantzeaz gain, irakasle eta senideekin ere egin zen lan. Hurrengo ikasturtean Langile Ikastolaren lehen eta bigarren hezkuntzako zentruak hezkidetza eta espazioaren inguruko ikerketa batean parte hartzera animatu ziren. Ikerketa horretan espazioari dagokionez ikasleek hainbat aldaketa proposatu zituzten. Horietako batzuk aurrera eraman ziren, espazio aldetik hainbat hobekuntza eginez. Ikerketa horretan ateratako hainbat ondoriok gida bat sortzeko ideia ekarri zuten. Hala sortu zen “Berdintasuneko Jolastokia: hezkidetzaren eta espazioaren gaineko baliabideen gida”.

Hizkera ez sexista

Jostailu ez sexistak

Ikus-entzunezkoak

• Ilunetik argira irrintzia. Liletak taldeak egindako bideo honen bidez, emakumeok egunero jasaten ditugun erasoak salatu nahi dira, emakumeok erasoei aurre egiteko indarra dugula adieraziz.

• “Ilunpetik argitara” Emakume langileak iruditan. Hernani 1939-1975. Udal Berdintasun Arloko 3. ikerketa bekaren emaitza izan den liburuaren aurkezpen bideoa da honakoa.

• Ez gara panpinak! Emakumeak gara! Hernaniko Gaztetxokoan 2015eko azaroaren 25ean, Emakumeenganako Indarkeriaren Aurkako Nazioarteko Egunean, egindako ekintzaren irudiak biltzen ditu bideo honek.

• Bilioi bat besarkada ekimena Liletak taldeak martxan jarritako ekimenaren nondik norakoak azaltzen dira bideo honetan.

• Sagar moreen iraultza festa 2016. Hernaniko Bilgune feministak sagardotegi garaian gauak eta kaleak gureak direla aldarrikatzeko, bizitzeko eta gozatzeko antolatutako festa iragartzeko bideoa da honakoa.

• Sagar moreen iraultza 2015. Hernaniko Bilgune Feministak antolatutako gaueko manifestazioaren inguruko bideoa.

• Emakumeen mundu martxa 2015. Hernantik ere pasatu zen martxa, eta hemen bertan grabatutako irudiak.

• Bilioi bat besarkada. Liletak taldeak egindako bideo honetan, Bilioi bat besarkada ekimenaren barruan jasotako besarkaden irudiak biltzen dira bideo honetan.

• Harremonak egitasmoa, Arremanitz kooperatiba. Xedea tratu onak, parekidetasuna eta sexu aniztasuna sustatzea da. Hernanin, 2008an Udaleko Berdintasun Sailak sustatuta eta babestuta abiatutako egitasmoa azaltzen da.

• Islada. Bulling kasu baten kontakizuna azaltzen du bideo honek.

• Martxoak 8. Hernaniko institutuko ikasle batzuk sortutako taldea da Isladak. Bideo honen bidez, Hernaniko hainbat emakumek besteak beste, enplegua, zaintza, familia feminismoa eta gizarte eraldaketarako erronken inguruan dituzten bizipenak biltzen dituzte.

• Hernaniko emakume kirolariak. Profil desberdineko Hernaniko bost emakume aukeratu eta horiekin solasean aritu gara kirolaz eta jarduera fisikoaz honako bideo honetan, Hernaniko Udalaren eskutik.

• Logoak