Berriak

Adinekoen egoitzan dauden egoiliarrak eta langileak babesteko neurri berriak hartu dira

Egoiliarren familiek egunean behin dei bat jasoko dute adineko senideen berri eduki dezaten 2020·03·20

Adinekoen egoitzan dauden egoiliarrak eta langileak babesteko neurri berriak hartu dira

Adinekoen egoitzan bisitak bertan behera utzi ondoren, familiei haien senidearen egoeraren berri emateko moduak antolatzen hasi dira. Egunean behin dei bat jasoko dute familiek eta ahal den kasuetan bideodeiak egiten ari dira.

Segurtasun neurriak bermatzea ezinezkoa zela ikusita, datorren asterako uztea erabaki du Udalak 2020·03·20

Gaur egitekoa zen azoka bertan behera gelditu da

Tramiteak eta kontsultak telefonoz eta e-postaz egin daitezke eta ordainketak modu telematikoan 2020·03·16

Epe administratiboak eta aurrez aurreko arreta bertan behera gelditu dira

Espainiako Gobernuak ezarritako alarma egoera dela eta (463/2020 Errege Dekretua), bertan behera gelditu dira epe administratiboak 15 egunez (oraingoz). Horren ondorioz, zergak, dirulaguntzen eskaerak eta bestelako betebeharren epeak bertan behera gelditu dira eta berriro indarrean jarriko dira alarma egoera amaitzen denean. Hala ere, ordainketak egin nahi dituzten herritarrek modu telematikoan egin ditzakete.

Udal arreta zerbitzuak telefonoz eta postaz soilik eskainiko dira

Udaletxeko bulegoetan lanean jarraituko dute, baina herritarrak ez dituzte modu presentzialean artatuko 2020·03·16

Udal arreta zerbitzuak telefonoz eta postaz soilik eskainiko dira

​COVID-19 birusaren zabalkundea saihesteko Espainiako Gobernuak deklaratu duen osasun alarma udal langileen antolaketan eta zerbitzuetan izaten ari den eragina kudeatzeko asmoz, krisi mahaia sortu du Hernaniko Udalak. Langileak eta herritarren kutsatzeko arriskua murrizteko xedez, udal zerbitzuetako bulegoetan ez dira herritarrak modu presentzialean artatuko

COVID-19 dela eta, Udalak hartu dituen neurriak

Bando bat jartzen ari dira udaltzainak herriko atari guztietan 2020·03·14

COVID-19 dela eta, Udalak hartu dituen neurriak

Udalak birusaren zabalkundea saihesteko neurrien berri ematen duen bandoa zabaldu du gaur herriko atarietan. Bertan, zerbitzuen egoeraz informatzeaz gain, herritarrei eskatzen zaie arduraz jokatzeko. Harrera zerbitzuari dagokienez, udal langileak zein herritarrak babesteko asmoz, soilik ezinbestekoak diren tramiteak egiteko eskatzen zaie. Derrigorrrezkoa denean, telefonoz eta e-postaz egiteko deia egiten du Udalak.

Udal zerbitzu batzuk itxiko dira eta bertako ekintzak bertan behera geldituko dira 2020·03·12

COVID-19 dela eta, Hernaniko Udalak udal zerbitzuetan hartuko dituen neurriak

Eusko Jaurlaritzako Osasun Sailaren gomendioak jarraituta, Hernaniko Udalak udal zerbitzu batzuk utziko ditu bertan behera. Eraikinak itxi eta bertan egiten diren ekintza guztiak bertan behera gelditzen dira bihartik aurrera (martxoaren 13tik aurrera). Momentuz, ezin da zehaztu noiz irekiko diren.

OinHerrirekin hitzarmena, herri hezitzailea egiteko konpromisoa berresteko

Udalak eta Oinherri herri hezitzaileen sareak lankidetza-hitzarmena sinatu dute gaur 2020·03·10

OinHerrirekin hitzarmena, herri hezitzailea egiteko konpromisoa berresteko

Otsaileko udalbatzarrean aho batez onartu zen Hernaniko Udala OinHerri herri hezitzaileen Euskal Herriko sareko kide izatea. Gaur, konpromiso hori berretsi eta paperean jasotzeko eguna izan da. Xabier Lertxundi alkateak eta Joxe Mari Agirretxe OinHerriko ordezkariak sinatu dute hitzarmena.

Udal jabetzako baratzen esleipen prozesua abian dago

Zozketa bidez banatuko dira 66 partzela. Derrigorrez, barazkigintza ekologikoan oinarrituko dira. 2020·03·05

Udal jabetzako baratzen esleipen prozesua abian dago

Hernaniko Antziola-Sagastialdeko udal baratzen onuradun izateko prozesua martxan dago. Eskaerak martxoaren 24ra arte aurkez daitezke. Bi modu egongo dira: presentzialki, udaletxeko Herritarren Harrerarako Zerbitzuan (Gudarien plaza, 1), eta telematikoki, webgunean.

Mikel Eizmendiren artelana ikusgai

Arte sorkuntza sustatzeko 2018ko dirulaguntza jaso zuen Eizmendik eta bere lana Gay Mur eta Santa Barbara lotzen dituen tunelean dago 2020·03·04

Mikel Eizmendiren artelana ikusgai

Artea eta sorkuntza bultzatzeko asmoz sortutako dirulaguntzek lau urte bete dute. Dirulaguntza horiei esker sortutako lan emaitza batzuk gure kaleetan ikus ditzakegu jadanik. Berriena Mikel Eizmendirena da. Gay Mur eta Santa Barbara lotzen dituen tunela artez bete du. Eizmendi 2018ko deialdiaren irabazleetako bat da.

Kirol ikastaroetarako izen-ematea eta kirol azpiegituren erreserbak on line egin daitezke

Hasieran, kiroldegiko bazkideek soilik izango dute zerbitzu horiek sarean egiteko aukera 2020·03·03

Kirol ikastaroetarako izen-ematea eta kirol azpiegituren erreserbak on line egin daitezke

Hernaniko Udal Kiroldegiak handitu du zerbitzuak on line egiteko aukera. Hemendik aurrera, bi zerbitzu gehiago eskura daitezke sarean: batetik, apirila eta ekainera arteko ikastaroetarako izen-ematea eta, bestetik, frontoia, trinketea, squasha eta pistak erreserbatzea. Hasiera batean bazkide diren herritarrek soilik izango dute aukera.

Adingabeek substantzia ezberdinak kontsumitzeko edota apustuan ibiltzeko erraztasunak dituztela azalerazten du nerabeen arrisku joerei buruzko ikerketak

Udalak hiru arlotan sakonago lan egitea proposatzen du: informazioa eta komunikazioen teknologia, joko-zaletasuna eta alkohola eta kalamua 2020·03·02

Adingabeek substantzia ezberdinak kontsumitzeko edota apustuan ibiltzeko erraztasunak dituztela azalerazten du nerabeen arrisku joerei buruzko ikerketak

Hernaniko 12 eta 16 urte arteko gazteen eta nerabeen aisialdi- eta aisia-ohiturak aztertu dira eta ohitura horiek arrisku-jokabideekin duten erlazioa ere. Emaitzak ikusita, Hernaniko Udalak, nerabeei dagokienez, hiru arlotan sakonago lan egitea proposatzen du: informazioa eta komunikazioen teknologia, joko-zaletasuna eta alkohola eta kalamua. Prebentzioan eta detekzio eta esku-hartze goiztiarrean indarrak jartzea garrantzitsutzat jotzen du Udalak.

Hutsik dauden etxebizitzak alokairu sozialera ateratzeko ekimenak indartu ditu Udalak

Bizigune programa herrian etxe huts baten jabeen artean sustatzeko konpromisoa hartu du Udalak 2020·02·21

Hutsik dauden etxebizitzak alokairu sozialera ateratzeko ekimenak indartu ditu Udalak

Herriko eragileek eta udal talde politiko guztiek osatzen duten Etxebizitza Mahaiak adostu du Bizigune programa sustatzea herrian hutsik dauden etxebizitzen jabeen artean. Bizigune programak erraztasunak ematen dizkie ezohiko etxebizitza bat duten jabeei alokairuan jartzeko. Hernanin ia 500 etxebnizitza daude egoera horretan eta horien jabeei bidali zaie gutun bat programaren berri izan dezaten. Biziguneri buruzko informazio zuzena jasotzeko hitzaldi bat egongo da udaletxean, asteazkenean, hilak 26, 18:30ean.

Martxoaren 9ra arte eska daiteke etxebizitzak alokairuan hartzeko dirulaguntza

Dirulaguntzak bi modalitate ditu: gazteena (18-35 urte bitartekoena) eta helduena (36 urtetik gorakoena) 2020·02·20

Martxoaren 9ra arte eska daiteke etxebizitzak alokairuan hartzeko dirulaguntza

Dirulaguntzak bi modalitate ditu: gazteena (18-35 urte bitartekoena) eta helduena (36 urtetik gorakoena). Eskaera egiteko epea zabalik dago, 2020ko martxoaren 9a arte. Eskaera-orria eskuragarri dago udal webgunean eta Herritarren Harrera Zerbitzuan-hhz. Eskaera-orria egoki bete eta beharrezko dokumentazioa atxikita udal erregistroan aurkeztu behar da. Guztira, 219.000 euroko partida bideratuko du Udalak horretarako.

Hernaniko kultur ondarea aztertzeko beka, Haritz Muñoa historialariaren proiektuarentzat

Muñoaren lanaren helburua kultur ondarearen garrantzia azpimarratzea da, herrian dauzkagun elementuak ezagutaraztea eta horiei buruzko informazioa plazaratzea 2020·02·17

Hernaniko kultur ondarea aztertzeko beka, Haritz Muñoa historialariaren proiektuarentzat

Hernaniko kultur ondarea aztertzeko eta ondarea.hernani.eus webgunean jasotako elementuak eguneratzeko eta osatzeko asmoz eginiko beka-deialdia ebatzi du Hernaniko Udalak. Aurkeztutako proiektuen artean, “Hernaniko Kultur Ondarea berrikustea eta eguneratzea” Haritz Muñoa hernaniarraren proiektua hautatu du epaimahaiak.

Merkatariek teknologia berrien erabileran trebatzeko eta negozioa suspertzeko formakuntza

Udalak eta Berriak-ek elkarlanean antolatu dituzte 6 formakuntza saio, otsailaren 18tik martxoaren 24ra bitartean 2020·02·14

Merkatariek teknologia berrien erabileran trebatzeko eta negozioa suspertzeko formakuntza

Udalak eta Berriak-ek elkarlanean, merkatarientzako 6 formakuntza saio antolatu dituzte. Osailaren 18an izango da lehenengoa eta martxoaren 24an, azkena. Saio bakoitzean 15 pertsonek parte har dezakete, eta izena eman daiteke Biterin -Turismo eta Merkataritza bulegoan- eta Berriak-eko egoitzan -Andrekalean-.

Ekitaldiz gainezka datozkigu inauteriak

Demode Quartet taldea, ‘Azken balea’ antzezlana eta gaztetxoentzako dantza festa izango dira, besteak beste 2020·02·11

Ekitaldiz gainezka datozkigu inauteriak

Udalaren eta Inauterietako Batzordearen artean osatutako egitaraua igandean, otsailaren 16an, jarriko da abian, Inude eta Artzainen desfilearekin eta Musika Bandaren kontzertuarekin. 2020ko Inauteriak, hala ere, otsailaren 21ean hasiko dira jaien hasiera iragarpenarekin, eta 25ean amaitu, sardinaren ehorzketarekin.

HHn, LHn eta DBHn aurrematrikula egiteko epea irekita dago

Otsailaren 7a arteko epea dago aurrematrikula egiteko 2020·02·03

HHn, LHn eta DBHn aurrematrikula egiteko epea irekita dago

Haur Hezkuntzan, Lehen Hezkuntzan eta Derrigorrezko Bigarren Hezkuntzan 2020-2021 ikasturterako aurrematrikulatzeko epea zabalik dago. Herriko ikastetxeetan izena emateko epea otsailaren 7ra artekoa da.