Berriak

Arte sorkuntza beka eskatzeko epea irekita dago

deialdi honek artea auzoetara eramatea du xede, eta horrela, aurkeztutako obren proposamenak auzo bati lotuta aurkeztuko dira 2020·11·26

Arte sorkuntza beka eskatzeko epea irekita dago

Hernaniko kultur ondarea ikertzeko III. beka eskatzeko epea irekita dago

Abenduaren 25era arte aurkez daitezke proposamenak 2020·11·26

Hernaniko kultur ondarea ikertzeko III. beka eskatzeko epea irekita dago

Herriko kultur ondarearen inguruan ikerketa lanak egiteko bekaren III. deialdia argitaratu berri du Udalak. Proposamenak abenduaren 25era arte aurkez daitezke. 8.000 euro bideratu du Udalak beka horretara.

Azaroak 25, Emakumeenganako Indarkeriaren kontrako Eguna

ERAKUNDE ADIERAZPENA 2020·11·25

Azaroak 25, Emakumeenganako Indarkeriaren kontrako Eguna

Azaroko osoko bilkura izan zen atzo eta, urtero bezala, Azaroak 25 Emakumeenganako Indarkeriaren kontrako Nazioarteko Eguna dela eta, erakunde adierazpena onartu zen aho batez.

ERAKUNDE ADIERAZPENA: Mendebaldeko Saharako su-etenaren amaieraren aurrean

2020·11·24

ERAKUNDE ADIERAZPENA: Mendebaldeko Saharako su-etenaren amaieraren aurrean

Joan zen asteartean izandako osoko bilkuran Sahara Euskadi Mugimenduak eta Euskadiko Fronte Polisarioaren Ordezkaritzak aurkeztutako adierazpen proposamen hau onartu zen EH Bildu, EAE-PNV eta Elkarrekin Podemos-OH taldeen aldeko botoekin. PSE abstenitu zen.

Ostalaritza establezimenduak eta jatetxeak berraktibatzeko 150.000 euro bideratuko ditu Udalak

Establezimendu bakoitzak 800 euroko kopuru finkoa jaso dezake eta ohiko gastuengatik 400 euro osagarri 2020·11·24

Ostalaritza establezimenduak eta jatetxeak berraktibatzeko 150.000 euro bideratuko ditu Udalak

COVID-19a dela eta Eusko Jaurlaritzak ezarritako itxierak kaltetutako negozio bakoitzak 800 euroko kopuru finkoa jasoko du. Horrekin batera, 400 euroko kopuru osagarria jasotzeko aukera izango du jardueraren ohiko gastuengatik, horiek herriko enpresetan eta saltokietan gastatu badituzte. Dirulaguntza horien deialdia ostegunean argitaratuko da GAOn eta abenduaren 30a arte eskatu ahalko dira.

Haurren eskubideen promozio, prebentzio eta babes politikak martxan jartzeko helburuz egin du bat Udalak Tratu On programarekin

Educo nazioarteko Fundazioarekin elkarlanean ari da Udala programa hau lantzen 2020·11·20

Haurren eskubideen promozio, prebentzio eta babes politikak martxan jartzeko helburuz egin du bat Udalak Tratu On programarekin

Gaur Haurren Nazioarteko Eguna dela eta, haur eta nerabeen eskubideen inguruko ekimen baten berri eman dute udal ordezkariek. Tratu On programa da eta Hernaniko Udala horretan parte hartzen ari da. Programa horren xede nagusia da toki erakundeetatik haur eta nerabeentzako ingurune seguruagoa eta bidezkoagoa lortzeko politikak garatzea.

Ikasgela zerbitzua martxan izango da larunbatetik aurrera

Gabriel Zelaia eraikinean kokatuta dagoen zerbitzu hau joan zen martxotik etenda egon da 2020·11·19

Ikasgela zerbitzua martxan izango da larunbatetik aurrera

Joan zen martxoan ezarritako konfinamenduaz geroztik etenda egon da ikasgela zerbitzua Gabriel Zelaian. Larunbatetik aurrera berriro hasiko da martxan. Ikasgela Zerbitzua erabili ahal izateko protokoloa zehaztu da, baita edukiera mugatu ere. Lantaldean jarduteko gelan gehienez 3 pertsona egon daitezke. Bakarkako ikasgelan, mahai bakoitzeko bina pertsona egon daitezke; guztira 14.

Eskolako Agenda 2030 martxan da. Goazen denok Basora!

Nazio Batuen Erakundeak 2015ean adostutako helburuetan oinarritzen da ikastetxeetan garapen iraunkorra sustatzen duen programa hau 2020·11·17

Eskolako Agenda 2030 martxan da. Goazen denok Basora!

Eskolako Agenda 21 Eskolako Agenda 2030 izango da hemendik aurrera. Ikastetxeetan garapen iraunkorrari buruzko sentsibilizazioa sustatzea helburu duen programa hau NBEk 2015ean onartutako helburuetan oinarritzen da: nagusiki munduan pobrezia desagerrarazi, planeta babestu eta pertsona guztiei oparotasuna bermatzeko. Aurtengo gaia 15. helburuarekin lotura dago, hain zuzen ere, lehorreko ekosistemen bizia.

Herri ikastetxeetan egin diren lanak

Haur eskolan, Urumea, Elizatxo eta Langile ikastetxeetan egin dira txukunketa lanak udako hilebeteetan 2020·11·15

Herri ikastetxeetan egin diren lanak

Uda garai egokia izaten da herriko ikastetxeetan egokitzapenak egiteko. Alde batetik, jardunik ez dagoelako eta, bestetik, Zerbitzu Publikoetako udal langileek beraiek egin ahal izan dituztelako lan horietako asko, kanpoko kontrataziorik egin beharrik gabe. Horrela izanik, guztira, 130.000 euroko inbertsioa egin du Udalak.

COVID-19ak kutsatutakoak arakatzeko irizpideak hobetzeko asmoz EHUko ikerketa-talde batek bultzatutako azterlanean parte hartuko du Udalak

Baheketa masiboek birusaren transmisio kateak nola hedatzen ari diren zehazki ulertzeko aukera paregabea ematen dutela nabarmendu du Ugo Mayor talde horretako kideak 2020·11·12

COVID-19ak kutsatutakoak arakatzeko irizpideak hobetzeko asmoz EHUko ikerketa-talde batek bultzatutako azterlanean parte hartuko du Udalak

Ugo Mayor Ikerbasqueko ikertzaile eta EHUko irakasleak buru duen ikerketa talde batek azterlan bat abiatu du COVID-19ak kutsatutako pertsonak arakatzeko irizpideak hobetzeko asmoz. Baheketak egin diren udalerrien partehartzea eskatu dute eta Hernaniko Udalak onartu du. Urriaren 26a eta azaroaren 4a arte proba egin zutenak (baheketan edo osasun zentroan) eta emaitza positibo izan dutenak daude deituta azterlan honetan parte hartzera.

51 positibo antzeman dira joan zen astean egindako baheketan

13 eta 40 urte bitarteko hernaniarrak zeuden deituta PCR egitera eta %46,65k egin zuen proba 2020·11·11

51 positibo antzeman dira joan zen astean egindako baheketan

COVID-19aren zabalpenari aurre egiteko baheketa masibo bat egitea erabaki zuen Osakidetzak Hernanin, 13 eta 40 urte bitarteko biztalnleriaren artean. Probak kiroldegian eta ikastetxeetan egin ziren azaroaren 2tik 4ra bitartean.

Zortearen erruletak ehun sari banatuko ditu datozen hiru larunbatetan tokiko dendetako erosleen artean

Datorren larunbatean, 10:00etatik 13:00etara, egongo da erruleta udaletxeko arkupeetan 2020·11·11

Zortearen erruletak ehun sari banatuko ditu datozen hiru larunbatetan tokiko dendetako erosleen artean

Tokiko merkataritza suspertzeko erruleta ez da geldituko. Horregatik, zortearen erruleta bat paratuko da udaletxearen arkupeetan datozen hiru larunbatetan. 60 euroko erosketen tiketak batu eta erruletan tirada bat egiteko aukera izango duzu. 100 sari banatuko dira.

Abian da Udalarekin egin beharreko tramiteak modu telematikoan egitea sustatzeko kanpaina

Egoitza elektronikoa erabiltzeko aurretik B@KQ ziurtagiria eskuratu behar da, udaletxean bertan 2020·11·09

Abian da Udalarekin egin beharreko tramiteak modu telematikoan egitea sustatzeko kanpaina

COVID-19ak sortutako egoera dela eta, tramite telematikoen eskaintza indartzen ari da Udala herritarren eta langileen segurtasuna bermatzeko asmoz. Tramite horiek zeintzuk diren eta nola egin daitezkeen azaltzeko eta herritarrak aukera horiek baliatzen animatzeko #HernaniTelematikoki izeneko kanpaina abiatu berri du Udalak.

Biteriko emanaldien ordutegian aldaketak egongo dira Jaurlaritzaren dekretu berria betetzeko

COVID-19a dela eta hartutako neurri berrietara egokitzeko garaizago izango dira zine saioak eta antzerki zikloko emanaldiak 2020·11·06

Biteriko emanaldien ordutegian aldaketak egongo dira Jaurlaritzaren dekretu berria betetzeko

Bihar larunbatean indarrean sartuko diren neurrietako batek dio kultur ikuskizun edo emanaldi oro 21:00ak baino lehen amaitu behar dela. Beraz, datorren asteko Antzerki Zikloko emanaldi guztiak 19:00etan hasiko dira. Asteburuko zinema saioak ere ordu erdiz aurreratuko dira: haurren emanaldia 16:00etan hasiko da eta helduena, 19:00etan.

Biteri kultur etxea energetikoki eraginkorragoa izateko lanak abian dira

58 leiho eta ate-leiho eta 100 argi puntu ordezkatuko dituzte 2020·11·03

Biteri kultur etxea energetikoki eraginkorragoa izateko lanak abian dira

Datorren otsailaren amaiera bitartean lanean arituko dira Biterin. 58 leiho eta ate-leiho aldatuko dituzte guztira, baita 100 argi puntu ere. Lan horien xedea da Biteriko eraikina energetikoki eraginkorragoa izatea ta erabiltzaileentzat erosoagoa. 185.000 euroko aurrekontua du obra honek.

Baheketari buruzko zalantzak argitzeko 010 telefono zenbakia martxan jarri du Udalak

Astelehenetik asteazkenera bitartean, 8:00-14:00 eta 15:00-20:00 dei daiteke 2020·11·02

Baheketari buruzko zalantzak argitzeko 010 telefono zenbakia martxan jarri du Udalak

010 telefono zenbakia jarri du martxan Udalak gaurtik asteazkenera bitartean, COVID-19aren zabalpena murrizteko Hernanin egiten ari den baheketa masiboak sor ditzakeen zalantzak argitzeko. Telefono honetan ez da hitzordurik ematen. Hitzordua hartzeko Hernaniko osasun zentrora deitu behar da.

Gaur 15:00etatik aurrera har daiteke hitzordua. Ikasleek ez dute hitzordurik hartu behar, proba ikastetxeetan bertan egingo zaielako 2020·11·01

COVID-19aren intzidentzia tasa altua dela eta, 13 eta 40 urte bitarteko hernaniarrak PCR probak egitera deitu ditu Osakidetzak

COVID-19ak Hernanin duen intzidentzia tasa 1.000tik gorakoa da eta, hori dela eta, Osasun Sailak erabaki du baheketa bat egitea 13 eta 40 urte bitarteko hernaniarren artean. Gaur 15:00etatik aurrera har daiteke hitzordua. Ikasleek ez dute hitzordurik hartu behar, proba ikastetxeetan bertan egingo zaielako

Argazki horiek osatuko dute 2021eko udal egutegia 2020·10·30

"Hernani mugimenduan" argazki-lehiaketaren irabazleak

2021eko udal egutegia osatuko duten 13 argazkiak aukeratu ditu epaimahaiak. Bederatzi pertsonak egindako irudiak dira irabazleak.