Haurreskola
Haurreskola publikoa (0-2 urte), Haurreskolak Partzuergoko kide da. Eraikin eta instalazio egokiak ditu. 126 plaza. Familiarekiko harreman estua eta zuzena bultzatzen du. Haur bakoitzaren erritmora moldatutako egokitze prozesuak. Hezitzaile talde prestatua. Euskaraz bizi den hezkuntza-komunitatea. Sukalde eta sukaldari propioa, Udalaren eskumenekoa: elikagai osasuntsu eta ekologikoak.
Elizatxo ikastola
Haur eta Lehen Hezkuntzako ikastetxe publikoa (2-12 urte). Hezkuntza proiektuak ikaslearen garapena du helburu. Eginez ikastea metodorik onena dela printzipioan oinarrituta, bizitza eta ingurua ahalik eta estuenik loturik mantentzen saiatzen dira.Talde lana sustatzeko eta oinarrizko gaitasunak landu ahal izateko Ikaskuntza Kooperatiboan murgilduta daude.
Langile ikastola
Haur eta Lehen Hezkuntzako ikastetxe publikoa (2-12 urte), Hezkuntza prozesu integrala bultzatzen du. Euskal Kulturan txertatua, euskaraz bizi den eskola da . Errealitatea gaitasun kritikoz aztertzeko balioek garrantzi handia dute. LHko 4. maila arte txokotan antolatzen dira eta LHko 5. eta 6. mailetan, berriz, tailerretan. Kudeaketan eskola-komunitateko kolektibo guztiek dute zer esana, gurasoen parte-hartzea ezinbestekoa da.
Txirrita eskola
Haur eta Lehen Hezkuntzako ikastetxe publikoa (2-12 urte), Ereñotzu auzoan kokatua. Gipuzkoako Eskola Txikien sareko kide da. Eskola txikia denez, talde berezietan banatuta daude. Metodologiari dagokionez, proiektuka egiten da lan: hiruhileko bakoitzean gai bat aukeratu eta arlo guztietan landu beharreko edukiak, gai horretara egokitzen dira.
Urumea ikastola
Haur eta Lehen Hezkuntzako ikastetxe publikoa (2-12 urte). Euskal mugimendua pizteko guraso talde baten ekimenez sortu zen duela 50 urte. Euskara da eskola-bizitzako hizkuntza. Hezkuntza proiektuaren helburu dira ikasleen garapen integrala eta bizitzarako konpetentziak garatzea. Ikastolaren ikasle kopuruak gertuko harremana ahalbidetzen du.
Aratz ikastetxea
Haur hezkuntza, Lehen hezkuntza eta Bigarren Hezkuntzako ikastetxe kontzertatu erlijiosoa (2-16 urte). Hezitzaile talde kualifikatu, gogotsu eta dinamikoa. Etengabeko prestakuntzan eta didaktika-baliabideetan aritua. Ikasleen garapen pertsonalari eta akademikoari zuzendua. Aniztasuna aberastasun iturritzat hartzen duen eskola. Euskal hizkuntza eta kulturaren sustatzailea. Bizantziar balioetan oinarritutako kristau eskola. Erdi Mailako Heziketa zikloa ere eskaintzen da. Espezialitatea: erizaintzako zaintza osagarria Cuidador/a auxiliar de enfermeria.
Hernani BHI
Bigarren Hezkuntzako ikastetxe publikoa (DBH eta Batxilergoa). Herriko Lehen Hezkuntzako bost zentroetako gazteak eta eskualdeko beste ikastetxe batzuetakoak hartzen ditu, 12 urtetik aurrerakoak. Euskara da eskola-bizitzako hizkuntza. Ikastetxeak elkarrekintzan oinarritutako prozesu dinamiko gisa ulertzen du hezkuntza.
Hernani HHI
Helduen Heziketarako Ikastetxe ofiziala, 18 urtetik gorakoentzat. Eusko Jaurlaritzako Hezkuntza Sailaren esku dago. Doako matrikula. Irakasle titulatuak eta espezializatuak. Ikasturtea bi lauhilekotan antolatzen da. Eskolak goizez eta arratsaldez eskaintzen dira.
Transpacar
Oinarrizko Lanbide Heziketako ikastetxe publikoa, Graduatua eskuratu ez duten gazteentzat (15-17 urte).Gazteen heziketa du helburu: DBHn jasotako oinarrizko prestakuntzan sakontzea eta irakaskuntza arautuetan ikasten jarraitzea, bereziki, Lanbide Heziketako Erdi Mailarako Prestakuntza zikloan.Bertan irakasten den espezialitatea: Ibilgailuen konponketarako langile prestakuntza.
Hernaniko Lanbide Heziketa.LHII
Lanbide Heziketako ikastetxe publikoa da. Maila guztiak eskaintzen ditu: Oinarrizko Lanbide Heziketa, Erdi Mailako Zikloak eta Goi Mailako Zikloak. Langabetuentzako eta langileentzako ikastaroak ere eskaintzen ditu.