Nolakoak dira gure eskolak?
- Hizkuntza erabiliz ikasten dugu: hitz eginez, irakurriz, entzunez, idatziz.
- Eskolan kalean egiten ditugun gauzen antzekoak egiten ditugu: okindegian ogia eskatu eta ordaindu, udaletxean eskari bat egin, eskolako oharra irakurri, telebistako albisteak ikusi.
- Gramatikari eta hiztegiari erreparatzen diogu, baina gauzak esateko, ulertzeko, idazteko.behar dituzun neurrian. Ez dituzu buruz ikasiko.
- Taldeak txikiak izaten dira 10 bat ikasle batez beste, mailaren arabera banatuak.
- Ikasle bakoitzari banakako jarraipena egiten dio irakasleak eta uneoro ematen dio hobetzeko eta aurrera egiteko laguntza: tutoretzen bidez, elkarrizketa bidez, txostenen bidez... Banakako ebaluazioa eta tutoretzak izango dituzu nahiz taldean ari bazara, nahiz autoikaskuntzan ari bazara.
- Eskolak emango dizkizuten irakasleak profesional kualifikatuak dira: esperientzia handia dute euskararen irakaskuntzan, formazio jarraitua jaso dute urte horietan guztietan zehar eta denek dute diplomatura edo lizentziaturaren bat, baita 4. hizkuntz eskakizuna ere.
