Udal zerbitzuak alarma egoeran

Azken ordua. Covid-19

2020·07·28

Azken ordua. Covid-19

Biteri kultur etxeko ikasgela, erakusketa gela eta liburutegia, irekita

Udako ordutegia jarri da martxan: 09:00-14:00. Uztaila eta abuztuan arratsaldez itxita egongo da 2020·06·25

Biteri kultur etxeko ikasgela, erakusketa gela eta liburutegia, irekita

6-10 urtekoentzako udaleku irekiak eta 11-12 urtekoentzako kirol udalekuak egingo dira, segurtasuna bermatzeko moldaketekin

3-5 urtekoentzako udaleku irekiak bertan behera geldituko dira, segurtasun neurriak ezin direlako bermatu 2020·06·10

6-10 urtekoentzako udaleku irekiak eta 11-12 urtekoentzako kirol udalekuak egingo dira, segurtasuna bermatzeko moldaketekin

COVID-19k sortutako osasun alarma dela eta, jende pilaketak saihestea eta segurtasun distantzia mantentzea derrigorrezkoa da gaitzaren hedapena gelditzeko. Hori dela eta, udalekuak ohi bezala antolatzea ezinezkoa da. Hala ere, haurren aisialdirako eskubidea ahal den neurrian bermatzeko asmoz, 6 eta 10 urte bitarteko umeentzako udaleku irekiak eta 11-12 urtekoentzako kirol udalekuak eskainiko ditu Udalak, moldaketa batzuekin. 3-5 urtekoen udalekuak, ostera, ez dira eskainiko, segurtasun neurriak bermatzea ezinezkoa zaiolako Udalari.

COVID-19 dela eta, udal ikastaroen antolaketan eta ordaintzeko moduetan aldaketak egongo dira

2020-2021ko udal ikastaroen antolaketan aldaketak egon daitezkeela eta, kuoten ordainketaren irizpide berriak finkatzen dira 2020·06·08

COVID-19 dela eta, udal ikastaroen antolaketan eta ordaintzeko moduetan aldaketak egongo dira

COVID-19 gaitzaren osasun krisiaren ondorioz, udal ikastaroetan aldaketak egon daitezkeela aurreikusten da. Hori dela eta, ikastaro horiek kobratzeko irizpideak egoera berrira egokitu dira.

Kirol eta jarduera fisikoaren instalazioak apurka-apurka eta baldintza zorrotzekin irekiko dira

Gimnasioa izango da zabaltzen lehenengoa: ekainaren 8an, aurretiko hitzordua hartuta eta aforoaren herenarekin 2020·06·04

Kirol eta jarduera fisikoaren instalazioak apurka-apurka eta baldintza zorrotzekin irekiko dira

Datorren astelehenetik aurrera modu progresiboan irekiko dira kirola eta jarduera fisikoa egiteko udal instalazioak eta zerbitzuak. Gimnasioa izango da zabalduko den lehenengoa, aforo mugatua eta aurretik antolatutako txandak eginda. Igerileku estaliak izango dira hurrengoak eta, azkenak, kanpoko igerilekuak.

2020ko San Joan jaiak eta preludioa bertan behera gelditu dira

Egun horietan, zenbait kultur jarduera egingo dira herriko giroa alaitzeko 2020·05·26

2020ko San Joan jaiak eta preludioa bertan behera gelditu dira

Sanjoanak ohi bezala antolatu eta gozatzeko asmoarekin zenbait bilera egin diren arren, COVID 19-ak sortutako egoerak gaur gaurkoz ez du bermatzen jaiak kalean beharrezko segurtasunarekin ospatu ahal izatea. Hori kontuan hartuta, 2020ko Sanjoanak bertan behera uztea erabaki zuen Sanjoanetako Jai Batzordeak atzo egindako bilkuran. Edonola ere, herriari alaitasuna eta bizia eman asmoz, zenbait kultur jarduera egingo dira.

Udal liburutegiko mailegu zerbitzua ekainaren 1ean berreskuratuko da

COVID-19ko alarma egoera dela eta, aurretik hitzordua eskatzea derrigorrezkoa izango da. 2020·05·27

Udal liburutegiko mailegu zerbitzua ekainaren 1ean berreskuratuko da

Udal liburutegia mailegu zerbitzua ematen hasiko da ekainaren 1etik aurrera. Dena dela, COVID-19ko alarma egoera dela eta, aurretik hitzordua eskatzea derrigorrezkoa izango da. Era berean, norberak bere poltsa eraman beharko du eskatutako liburuak jasotzeko.

Oinezkoek eta txirrindulariek jarduera fisikoa eta kirola egiteko lehentasuna izateko herriko hiru eremu egokitu dira

Urbieta, Sagastialde eta Akarregiko eremuetan lehentasuna izango dute asteburuetako ordutegi zehatz batzuetan alarmak dirauen bitartean 2020·05·22

Oinezkoek eta txirrindulariek jarduera fisikoa eta kirola egiteko lehentasuna izateko herriko hiru eremu egokitu dira

Bihar sartuko dira indarrean arau berriak Urbieta, Sagastialde eta Akarregiko eremuetan. Alarmak dirauen bitartean, zehaztutako egun eta orduetan, oinezkoek eta txirrindulariek izango dute lehentasuna.

102.779 euro itzuliko ditu Udalak COVID-19aren ondorioz bertan behera edo murriztuta geratu diren zerbitzuen tasetan

Maiatzaren 22tik aurrera itzuliko ditu kuotak ordaintzeko emandako kontu korronteetan 2020·05·15

102.779 euro itzuliko ditu Udalak COVID-19aren ondorioz bertan behera edo murriztuta geratu diren zerbitzuen tasetan

COVID-19aren ondorioz bertan behera edo murriztuta geratu diren zerbitzuen kuotak itzultzen hasiko da Udala datorren astetik aurrera. Guztira, 102.779,02 euro itzuliko zaizkie herritarrei ordaintzeko eman zituzten kontu korronteetan.

HHZren bulegoa ostiralean irekiko da

Astelehenetik ostiralera, 9:00etatik 13:00etara egongo da zabalik, eta aurretiko hitzordua duten herritarrak soilik artatuko dituzte 2020·05·13

HHZren bulegoa ostiralean irekiko da

Aurrez aurreko arreta berreskuratuko da baina baldintza zehatz batzuetan: aurretiko hitzordua duten herritarrak soilik artatuko dituzte eta banaka sartu behar dute herritarrek. Astelehenetik ostiralera, 9:00etatik 13:00etara egongo da zabalik. Dena dela, telefonoz, e-postaz eta modu telematikoan egin daitezkeen tramiteak bide horietatik egiten jarraitzea hobetsiko da.

COVID-19k sortutako osasun alarmari eta kalte ekonomikoei aurre egiteko Ekintza Plana aurkeztu du Udalak

Euste fasean hartu diren neurriak zein berraktibazio fasean hartuko direnak kontuan hartuta, 2 milioi euro baino gehiago bideratuko ditu Udalak 2020·05·08

COVID-19k sortutako osasun alarmari eta kalte ekonomikoei aurre egiteko Ekintza Plana aurkeztu du Udalak

Xabier Lertxundik alkateak, udalean ordezkaritza duten talde politiko guztien bozeramaileekin batera, aurkeztu du gaur Udalak prestatu duen neurri sorta COVID-19ak osasunean zein ekonomian utzi dituen ondorioak samurtzeko asmoz.

Etxebizitzaren eta ibilgailuaren zergak ordaintzeko epe berriak finkatu ditu Udalak

Trakzio Mekanikoen Ibilgailuen Zerga uztailaren 20tik irailaren 10a arte ordain daiteke eta Ondasun Higiezinen Gaineko Zerga, abuztuaren 1etik urriaren 9a arte 2020·04·27

Etxebizitzaren eta ibilgailuaren zergak ordaintzeko epe berriak finkatu ditu Udalak

Ondasun Higiezinen Gaineko Zerga eta Trakzio Mekanikoen Ibilgailuen Zerga, hau da, etxebizitza eta ibilgailua jabetzan dituztenek ordaindu beharreko zergak, ordaintzeko epe berriak finkatu ditu Udalak.

Udal ordezkari politiko guztien parte-hartzea berreskuratuko da ostegunetik aurrera

Alarma egoera dela eta, bertan behera gelditu ziren batzorde informatzaileak modu telematikoan egiten hasiko dira aste honetan, talde politiko guztien parte-hartzea bermatzeko 2020·04·20

Udal ordezkari politiko guztien parte-hartzea berreskuratuko da ostegunetik aurrera

Alarma egoera dela eta, bertan behera gelditu ziren batzorde informatzaileak modu telematikoan egiten hasiko dira aste honetan, talde politiko guztien parte-hartzea bermatzeko. Hileko udalbatzarra ere egitea aurreikusten da, modu telematikoan, baina data zehatza ez da oraindik zehaztu

Kultura jarduetarako eta auzo elkarteentzako dirulaguntza deialdia ez da argitaratuko egoera bere onera etorri arte

Koro Etxeberria: "Kultur jarduerak, festak, ekimen kulturalak..., hau da, jendea biltzeko aukera noiz izango den jakin arte ezin dela deialdirik kaleratu" 2020·04·19

Kultura jarduetarako eta auzo elkarteentzako dirulaguntza deialdia ez da argitaratuko egoera bere onera etorri arte

Kultura Departamentua 2020ko kultura jarduetarako eta auzo elkarteentzako dirulaguntzak argitaratzeko prestatzen ari zen, baina COVID-19 dela eta alarma ezarri zuten eta deialdi hori bertan behera uztea erabaki du.

Ur kontagailuen irakurketak egiten hasiko dira udal langileak

Kontagailua irakurtzeko etxeetara sartzea ezinbestekoa den kasuetan, ez da egingo. Abonatuak irakurketaren berri eman ahalko dio Udalari 2020·04·20

Ur kontagailuen irakurketak egiten hasiko dira udal langileak

2020 urteko lehen lauhilekoaren ur kontagailuen irakurketak gaur hasi da egiten Udala. Atarietan dauden edo etxe barruan baina irrati bidez irakurri daitezkeen kontagailuen irakurketa arazorik gabe egingo dira. Arazoa dago kontagailua irakurtzeko etxeetara sartzea ezinbestekoa denean. Kasu horietan, abonatuak berak irakurketaren berri eman ahal dio Udalari. Irakurketa egiten ez bada, kontsumoaren estimazioa egingo du Udalak.

Lorezaintzan gutxieneko zerbitzuak egingo dira osasun publikoa bermatze aldera

Hazkunde begetatibo handiko garaian sartuko gara laster, eta horrek ekar dezakeen landaretzaren gehiegizko hazkundea 2020·04·16

Lorezaintzan gutxieneko zerbitzuak egingo dira osasun publikoa bermatze aldera

Konfinamendua hasi zenetik, lorazaintza zerbitzua auzokonpostaje etxolen inguruko garbiketa indartzera bideratu zen zerbitzua, eta beste lan guztiak bertan behera gelditu ziren. Hala ere, egoera luzatzen ari dela ikusita, landaretzaren gehiegizko hakzundeak kaleko osasuna eta garbiketa arriskuan jar ditzakeela diote adituek. Hori dela eta, oinarrizko zerbitzuak jarriko dira hori saihesteko.

65 urtetik gorakoei deiak egiten ari zaizkie ondo dauden jakiteko eta balizko beharrak antzemateko

“Gehienek eskertzen dute Udalak deitzea eta interesa eta kezka izatea” 2020·04·07

65 urtetik gorakoei deiak egiten ari zaizkie ondo dauden jakiteko eta balizko beharrak antzemateko

Udala 65 urtetik gorako hernaniarrei telefono deiak egiten ari zaizkie joan zen astetik, konfinamendu egoera nola eramaten ari diren eta beharrak dituzten jakiteko asmoz. Ekimen honen helburua da adinekoen kolektiboaren egoeraren berri izatea eta, herritarren batek beharrak dituela antzemanez gero, asetzeko moduak bilatzea.

Alarma egoerak dirauen bitartean, Udalak ez du ez tasarik ez zergarik kobratuko

Eskaini ezin diren zerbitzuetako kuotak ez dira kobratuko edo itzuliko dira itxita egon den denboraren proportzioan 2020·04·05

Alarma egoerak dirauen bitartean, Udalak ez du ez tasarik ez zergarik kobratuko

​COVID-19 dela eta ezarri den konfinamenduak ondorioak izaten ari da hainbat arlotan. Alde batetik, udal eraikin asko itxi behar izan dira eta, hortaz, Udalak eskaini ohi dituen zerbitzu batzuk bertan behera gelditu dira. Beste alde batetik, konfinamendu hau familia batzuen egoera ekonomikoan kalte handiak eragiten ari da. Hori dela eta, Udalak aldaketa batzuk egingo ditu udal tasen eta zergen kobraketan, egoera honek herritarrengan sortzen dituen kalteak murrizteko asmoz.

Indarkeria matxistaren kontrako zerbitzuak ez daude berrogeialdian

Konfinamenduan erasoren bat jasoz gero, deitu!!! 2020·03·24

Indarkeria matxistaren kontrako zerbitzuak ez daude berrogeialdian

24 orduko isolamenduak tentsio giroa areagotu dezake etxean eta, ondorioz, indarkeria egoerak sortu edota larriagotu daitezke. Errealitate horri guztion artean erantzungo diogu!! Hortaz, erasotzailearekin isolamenduan bazaude edo eraso bat jasaten baduzu, DEITU! Norbait egoera horretan egon daitekeela jakiten baduzu, DEITU!!!

Hondakinen kudeaketa berezia berrogeialdian eta kutsatuta daudenen etxebizitzetan

COVID-19 dela eta gaixorik edo berrogeialdian dauden pertsonak hondakinak arriskutsuak dira eta Udalari abisua eman behar diote modu berezi batean jasotzeko 2020·03·22

Hondakinen kudeaketa berezia berrogeialdian eta kutsatuta daudenen etxebizitzetan

Berrogeialdian edo gaixorik dauden pertsonen hondakinak modu berezian trabatu behar dira arriskutsuak ez izateko. Horretarako, ezinbestekoa da pertsona afektatuek Udalari abisatzea. 943 54 30 16 edo 668 84 17 74 telefonoetara deituta argibideak eskainiko zaizkie.

— 20 Items per Page
1 - 20 erakusten 23 emaitzetatik.