Udal zerbitzuak alarma egoeran

Mugi ziur Hernanin! 6-16 urte bitarteko haur eta gazteentzako kirol eskaintza, prest

Udalak, herriko 5 klubek eta ikastetxeek elkarlanean, agenda bateratua prestatu dute haurrek eta nerabeek jarduera fisikoa egiteko duten eskubidea bermatzeko 2020·12·01

Mugi ziur Hernanin! 6-16 urte bitarteko haur eta gazteentzako kirol eskaintza, prest

Osasun krisi honen azken neurriek mugatu dute 6-16 urte bitarteko gazteen jarduera fisikoa eta kirola egiteko eskubidea. Horren aurrean, gabezia hori asetzeko helburuz, jarduera fisiko eta kirol arloko herriko eragileak bildu dira eta agenda bateratu bat prestatu dute.

Ikasgela zerbitzua martxan izango da larunbatetik aurrera

Gabriel Zelaia eraikinean kokatuta dagoen zerbitzu hau joan zen martxotik etenda egon da 2020·11·19

Ikasgela zerbitzua martxan izango da larunbatetik aurrera

Joan zen martxoan ezarritako konfinamenduaz geroztik etenda egon da ikasgela zerbitzua Gabriel Zelaian. Larunbatetik aurrera berriro hasiko da martxan. Ikasgela Zerbitzua erabili ahal izateko protokoloa zehaztu da, baita edukiera mugatu ere. Lantaldean jarduteko gelan gehienez 3 pertsona egon daitezke. Bakarkako ikasgelan, mahai bakoitzeko bina pertsona egon daitezke; guztira 14.

Biteriko emanaldien ordutegian aldaketak egongo dira Jaurlaritzaren dekretu berria betetzeko

COVID-19a dela eta hartutako neurri berrietara egokitzeko garaizago izango dira zine saioak eta antzerki zikloko emanaldiak 2020·11·06

Biteriko emanaldien ordutegian aldaketak egongo dira Jaurlaritzaren dekretu berria betetzeko

Bihar larunbatean indarrean sartuko diren neurrietako batek dio kultur ikuskizun edo emanaldi oro 21:00ak baino lehen amaitu behar dela. Beraz, datorren asteko Antzerki Zikloko emanaldi guztiak 19:00etan hasiko dira. Asteburuko zinema saioak ere ordu erdiz aurreratuko dira: haurren emanaldia 16:00etan hasiko da eta helduena, 19:00etan.

Baheketari buruzko zalantzak argitzeko 010 telefono zenbakia martxan jarri du Udalak

Astelehenetik asteazkenera bitartean, 8:00-14:00 eta 15:00-20:00 dei daiteke 2020·11·02

Baheketari buruzko zalantzak argitzeko 010 telefono zenbakia martxan jarri du Udalak

010 telefono zenbakia jarri du martxan Udalak gaurtik asteazkenera bitartean, COVID-19aren zabalpena murrizteko Hernanin egiten ari den baheketa masiboak sor ditzakeen zalantzak argitzeko. Telefono honetan ez da hitzordurik ematen. Hitzordua hartzeko Hernaniko osasun zentrora deitu behar da.

Udaletxeko sailekin aurrez aurreko hitzorduak berreskuratuko dira

Aurretik hitzordua hartuta eta ezarritako segurtasun neurriak errespetatuta 2020·10·30

Udaletxeko sailekin aurrez aurreko hitzorduak berreskuratuko dira

Udal antolamenduan neurri bereziak ezarri ondoren, udaletxeko sailekin -Errentak, Hirigintza, Euskara, Gazteria...- herritarrei aurrez aurreko arreta berreskuratuko du Udalak. Horretarako, aurretiko hitzordua hartu behar da, beti ere ezarritako neurriak errespetatuta.

Santu Guztien eguna dela eta, hilerrian jende pilaketarik ez egoteko gomendioak

Asteburuan eta astelehenean aforo mugatua izango da, gehienez 6 pertsonako taldeak eta ordubetez egon ahalko da 2020·10·27

Santu Guztien eguna dela eta, hilerrian jende pilaketarik ez egoteko gomendioak

Datorren igandean Santu Guztien eguna izango da. Ohiturari jarraituta, egun horretan jende asko pilatzen da hilerrian hildako senitartekoak bisitatzera. Aurtengo osasun egoera dela eta, bisita horiek mailakatuta egitea gomendatzen du Udalak.

Elkartzea eta udalerritik mugitzea mugatu du Eusko Jaurlaritzak

COVID-19a dela eta, neurri berriak eta komunak ezarri dituzte Gipuzkoan, Araban eta Bizkaian 2020·10·27

Elkartzea eta udalerritik mugitzea mugatu du Eusko Jaurlaritzak

Hernani eremu gorrian sartu dela eta, neurri zorrotzagoak ezarri dira

2020·10·23

Hernani eremu gorrian sartu dela eta, neurri zorrotzagoak ezarri dira

COVID-19ren intzidentzia tasa nabarmen areagotu da azken asteotan Hernanin, eta, ondorioz, eremu gorrian sartu da gure udalerria EAEko beste 24rekin batera. Intzidentzia tasa altuak dituzten udalerrietan neurri zorrotzagoak ezarri ditu Eusko Jaurlaritzak. Udal zerbitzuei dagokienez, birusaren hedapenari aurre egin nahian, erabaki batzuk hartu ditu Udalak.

COVID-19 EGUNERAKETA: 15 kasu aktibo daude adinekoen egoiliarren artean

PCR proban positibo eman duten 43 egoiliarren artean, 18 sendatu dira dagoeneko eta 10 hil dira 2020·09·28

COVID-19 EGUNERAKETA: 15 kasu aktibo daude adinekoen egoiliarren artean

Adinekoen egoitzan 43 egoiliarrek eman dute positibo orain arte egin diren PCR probetan. Horietatik 11 daude egoitzan bertan eta ospitalean, ordea, 4 pertsona daude. 18 pertsona sendatu dira jadanik eta 10 hil dira. Langileei dagokienez, orotara, 23k eman dute positibo.

EGUNERAKETA: adinekoen egoitzan 35 egoiliarrek eman dute positibo PCR proban lehen kasua agertu zenetik

COVID-19ak kutsatutako 35 egoiliarretik bi hil dira 2020·09·12

EGUNERAKETA: adinekoen egoitzan 35 egoiliarrek eman dute positibo PCR proban lehen kasua agertu zenetik

Joan zen abuztuaren 31tik lehen kasua antzeman zenetik, egunero PCR probak egiten ari dira adinekoen egoitzan eta positibo berriak ere ari dira azaltzen. Azken datuen arabera, dagoeneko 35 egoiliarrek eman dute positibo eta horietako bi hil dira. Langileei dagokienez, 15 langilek eman dute positibo.

EGUNERAKETA: adinekoen egoitzan 41 egoiliarrek eman dute positibo PCR proban lehen kasua agertu zenetik

COVID-19ak kutsatutako 41 egoiliarretik lau hil dira 2020·09·17

EGUNERAKETA: adinekoen egoitzan 41 egoiliarrek eman dute positibo PCR proban lehen kasua agertu zenetik

Joan zen abuztuaren 31tik lehen kasua antzeman zenetik, egunero PCR probak egiten ari dira adinekoen egoitzan eta positibo berriak ere ari dira azaltzen. Azken datuen arabera, dagoeneko 41 egoiliarrek eman dute positibo eta horietako lau hil dira. Langileei dagokienez, 15 langilek eman dute positibo. Gaur egoitzako langile guztiei egiten ari zaie berriz ere PCR proba.

Osasuna eta naturarekin harremana sustatzea da kirol ikastaroen eskaintzaren lehentasuna

Helduentzako ikastaroetan 800 bat plaza eskainiko dira. Izen-ematea bihar, asteartean, hasiko da 2020·09·07

Osasuna eta naturarekin harremana sustatzea da kirol ikastaroen eskaintzaren lehentasuna

Hiru hilabeteko ikastaroak eskainiko dira, momentuz helduentzat, pandemiaren gorabeherei hobeto egokitzeko asmoz. Aire librean egiteko ikastaroak dira ikasturte honetarako berritasuna: Hernanin barrena herritarrek jarduera fisikoa egitea bultzatu nahi da. Horrekin batera, barruko ikastaroetan aforoa murriztuko da eta segurtasun neurriak zorrotzagoak izango dira.

Guztira, 29 dira adinekoen egoitzan COVID-19aren proban positibo eman duten pertsonak

Astelehenean lehen kasua agertu zenetik, PCR probak egin zaizkie egoiliar eta langile guztiei. Azken datuen arabera, 18 egoiliar kutsatu dira eta 11 langile 2020·09·03

Guztira, 29 dira adinekoen egoitzan COVID-19aren proban positibo eman duten pertsonak

Astelehenean lehen kasua agertu zenetik, PCR probak egin zaizkie egoiliar eta langile guztiei. Azken datuen arabera, 18 egoiliar kutsatu dira eta 11 langile. Udala Foru Aldundiarekin eta osasun zentroarekin elkarlanean ari da egoera kudeatzen.

Guztira, COVID-19ak kutsatutako 8 pertsona antzeman dira adinekoen egoitzan

Bisitak bertan behera gelditu diren arren, familiek egunero jasotzen dute dei bat eta egoeraren berri ematen zaie 2020·09·02

Guztira, COVID-19ak kutsatutako 8 pertsona antzeman dira adinekoen egoitzan

Joan den astelehenean positibo eman zuen egoiliarrarekin harreman zuzena izandako egoiliarrei egin zaie proba eta, lehenengoaz gain, beste bostek ere eman dute positibo (atzo biren berri eta gaur beste hiru). Beste bi positiboak egoitzako langileak dira.

Ur kontagailuen irakurketak egiten hasi dira udal langileak

COVID-19aren osasun larrialdia dela eta, etxeetara ez dira sartuko udal langileak 2020·08·24

Ur kontagailuen irakurketak egiten hasi dira udal langileak

Osasun alarma dela eta, ur kontagailuen irakurketa ez da etxe barruan egingo. Kontagailua irakurtzeko etxeetara sartzea ezinbestekoa den kasuetan, abonatuak berak eman ahal dio irakurketaren berri Udalari, irailaren 15 baino lehenago. Irakurketa egiten ez bada, kontsumoaren estimazioa egingo du Udalak.

Jolas igerilekuetan arau berriak jarri dira indarrean

COVID-19 zabalkundeari aurre egiteko asmoz, neurriak zorroztu ditu Eusko Jaurlaritzak 2020·08·20

Jolas igerilekuetan arau berriak jarri dira indarrean

Hiruna orduko hiru txanda izango dira ostiraletik aurrera jolas igerilekuetan. Sarreraren prezioak ere egokitu dira eta merkeagoak izango dira.

Gogorarazpena: hondakinen kudeaketa berezia mantentzen da berrogeialdian eta kutsatuta daudenen etxebizitzetan

COVID-19 dela eta gaixorik edo berrogeialdian dauden pertsonak hondakinak arriskutsuak dira eta Udalari abisua eman behar diote modu berezi batean jasotzeko 2020·08·13

Gogorarazpena: hondakinen kudeaketa berezia mantentzen da berrogeialdian eta kutsatuta daudenen etxebizitzetan

Berrogeialdian edo gaixorik dauden pertsonen hondakinak modu berezian tratatu behar dira arriskutsuak ez izateko. Horretarako, ezinbestekoa da pertsona afektatuek Udalari abisatzea. 943 54 30 16 edo 688 84 17 74 telefonoetara deituta argibideak eskainiko zaizkie.

Azken ordua. Covid-19

2020·07·28

Azken ordua. Covid-19

Biteri kultur etxeko ikasgela, erakusketa gela eta liburutegia, irekita

Udako ordutegia jarri da martxan: 09:00-14:00. Uztaila eta abuztuan arratsaldez itxita egongo da 2020·06·25

Biteri kultur etxeko ikasgela, erakusketa gela eta liburutegia, irekita

6-10 urtekoentzako udaleku irekiak eta 11-12 urtekoentzako kirol udalekuak egingo dira, segurtasuna bermatzeko moldaketekin

3-5 urtekoentzako udaleku irekiak bertan behera geldituko dira, segurtasun neurriak ezin direlako bermatu 2020·06·10

6-10 urtekoentzako udaleku irekiak eta 11-12 urtekoentzako kirol udalekuak egingo dira, segurtasuna bermatzeko moldaketekin

COVID-19k sortutako osasun alarma dela eta, jende pilaketak saihestea eta segurtasun distantzia mantentzea derrigorrezkoa da gaitzaren hedapena gelditzeko. Hori dela eta, udalekuak ohi bezala antolatzea ezinezkoa da. Hala ere, haurren aisialdirako eskubidea ahal den neurrian bermatzeko asmoz, 6 eta 10 urte bitarteko umeentzako udaleku irekiak eta 11-12 urtekoentzako kirol udalekuak eskainiko ditu Udalak, moldaketa batzuekin. 3-5 urtekoen udalekuak, ostera, ez dira eskainiko, segurtasun neurriak bermatzea ezinezkoa zaiolako Udalari.

— 20 Items per Page
1 - 20 erakusten 40 emaitzetatik.