UDALEKU IREKIAK. 3-10 urtekoentzat
Zer dira?
Haurrentzako udaleku programa bat da, Hernaniko Udalak antolatua. Hernanin erroldatuta dauden edota herriko ikastetxeetan ikasten duten 3 eta 10 urte bitarteko haurrentzat da (HH3 eta LH4 mailakoentzat).
Zertarako dira?
Udaleku hauen helburua da haurrekin eta haurrentzat aisialdi hezitzailea eta erakargarria eskaintzea, euskararen erabilera eta genero parekidetasuna ardatz dituen programazio baten bidez.
Noiz dira?
Ekainaren 29etik uztailaren 21ra (biak barne), astelehenetik ostiralera 9:30-13:00
KIROL UDALEKUAK. 11-12 urtekoentzat
Zer dira?
Haurrentzako udaleku programa bat da, Hernaniko Udalak antolatua. Hernaniko herrian erroldatuta dauden edota herriko ikastetxeetan ikasten duten 11 eta 12 urte bitarteko haurrentzat da (LH 5 eta LH 6 mailakoentzat).
Zertarako dira?
Udaleku hauen helburua da haurrekin eta haurrentzat aisialdi hezitzailea eta erakargarria eskaintzea, euskararen erabilera eta genero parekidetasuna ardatz dituen programazioa prestatuz. Kirol jarduerak esperimentatu eta praktikatzeko aukera ematen die haurrei.
Noiz dira?
Uztailaren 3tik 21ra (biak barne), astelehenetik ostiralera 9:30-13:00.
IZEN EMATEA
Epea: maiatzaren 2tik 14ra
- Izen ematea on-line bidez egin beharko da web.hernani.eus/gazteria sartuta.
Behin orrian sartuta aurrez erregistratuta ez daudenak erregistratu egin behar dute. Arduradunak erregistratuta dagoenean adin txikikoa ere erregistratu behar du “erlazionatutako pertsonen alta” atalean. PDF hoentan pausoz pauso azaltzen du prozesua https://labur.eus/uYNPY.