Berriak

Atzealdea Hondakinaren tasaren 4. hiruhilekoaren kobraketa abenduaren 17ra atzeratu da

Hondakinen tasa helbideratuta daukaten herritar guztiei abenduaren 5ean kobratzea zegoen aurreikusita, baina ostalaritza establezimenduei, itxita egon bitartean, tasa hau ez zitzaiela kobratuko agindu zitzaien, eta murrizketa aplikatzeko zain egon da Udala kobraketa guztiak batera egin ahal izateko. Ostalaritzak larunbatean ireki ahalko duela jakin ondoren, tasa horren 4. hiruhilekoaren kobraketa hilaren 17an egingo du Udalak.

2020·12·10

Hondakinaren tasaren -erresidentziala eta landalurrearena- 4. hiruhilekoaren errezibo helbideratuaren ordainketa abenduaren 5erako aurreikusita zegoen kobratzea, baina abenduaren 17an egingo da azkenean.

Atzerapen horren arrazoia da ostalaritza itxita egoteak hondakinen tasaren ohiko kobraketan izan duen eragina. Hartara, ostalaritza establezimenduak Eusko Jaurlaritzaren dekretuarengatik itxita dauden bitartean hondakinen tasa ez kobratzeko erabakia hartu zuen Udalak eta itxialdiaren epea zehaztu arte zain egon da Udala tasa horren kobraketa exekutatzeko.

Eusko Jaurlaritzak atzo iragarri duenez, larunbatetik aurrera ireki ahalko dute ostalaritza establezimenduek. Hori jakinda, abenduaren 17an egingo du Udalak hondakinen tasaren kobraketa. Kobraketa herritar guztiei batera egingo zaie, baita ostalariei ere, dagokien murrizketa aplikatuta.